[6-text p 543]
(64)
¶ fful wrongfully / bygonne þou quod he
Line 442
And ȝet in wrong / is al thy perseueraunce [folio 200a] [[Leaves 200 and 201 are transposed in the MS.]]
Wostow nat how / oure myghty Princes free
Ben thus comaunded / and mad ordinaunce
Line 445
That euery cristene wyght / shal han penaunce
But if that he / his cristendom with-seye
And goon al quyt / if he wol it reneye
Line 448
(65)
¶ Ȝoure princes erren / as ȝoure nobleye dooth
Line 449
Quod tho Cecile / and with a wood sentence
Ȝe make vs gilty / and is nat sooth
ffor ȝe þat knowen wel / oure Innocence
Line 452
ffor as muche / as we doon a reuerence
To crist / and for we bere a cristene name
Ȝe put on vs a cryme / and eke a blame
Line 455
(66)
¶ But we þat knowen / thilke name so
Line 456
ffor vertuous / we moun it nought with-seye
Almache answerde / chees on of theise twoo
Do sacrifise / or cristendom reneye
Line 459
That þou mowe now / escapen by that weye
At which / this holy blisful / faire mayde
Gan for to laughe / and to the Iuge she seide
Line 462
(67)
¶ O Iuge confus / in thy nycetee
Line 463
Woltow / þat I reneye / Innocence
To maken me / a wykked wight / quod she
lo he dissimuleth here / in audience
Line 466
He stareth and wodeth / in his aduertence
To whom Almachius seide / vnsely wrecche
Ne wostow nat / how fer my myght may strecche
Line 469
