[6-text p 541]
(56)
¶ Ȝe han forsothe / I-don a gret bataille
Line 386
Ȝoure cours is don / ȝoure feith haue ȝe conserued
Goth to the corone of lyf / þat may nat faile
The rightful Iuge / which that ȝe han serued
Line 389
Shal ȝeue it ȝow / as ȝe han it deserued
And whan this thyng / was seid / as I deuyse
Men ledde hem forth / to don the sacrifise
Line 392
(57)
¶ But whan they weren / to the place brought
Line 393
To tellen shortly / the conclusioun
They nolde encence / ne sacrifise right nought
But on here knees / they setten hem a-doun
Line 396
With humble herte / and sad deuocion
And losten bothe here heuedes / in the place
here soules wenten / to the kyng of grace
Line 399
(58)
¶ This Maximus / that sey this thyng betide [folio 201b]
with pitous teeres / tolde it a-noon right
That he here soules saw / to heuene glide
with Aungeles / ful of cleernesse / and of light
Line 403
And with his word / conuerted many a wyght
ffor which / Almachius / dide him so to-bete
with whippe of leed / til he his lyf gan lete
Line 406
(59)
¶ Cecile him took / and buried him a-noon
Line 407
By Tiburce / and Valerian softly
With-Inne hire buriynge place / vnder the stoon
And after this / Almachius hastily
Line 410
Bad hise Mynystres / fecchen openly
Cecile / so þat she myghte in his presence
Doon sacrifise / and Iubiter encence
Line 413
