[6-text p 539]
(48)
¶ By word & by myracle / he goddes sone
Line 330
Whan he was in this world / declared heere
That þere was other lyf / þere man may wone
To whom answerde Tiburce / o suster deere
Line 333
Ne seydestow right now / in this manere
There nas but o god / lord in soothfastnesse
And now of three / how maistow bere wytnesse
Line 336
(49)
¶ That shal I telle quod she / er I go
Line 337
Right as a man / hath sapiences three
Memorie / engyn / and Intellect also
So in oo beyng / of diuinitee
Line 340
Thre persones / may there / right wel be
Tho gan she him / ful bisily to preche
Of Cristes sone / and of his peynes teche
Line 343
(50)
¶ And manye poyntes / of his passion
Line 344
how goddes sone / in this world was withholde
To doon mankynde / playn remyssion
That was I-bounde / in synne / & cares colde
Line 347
Al this thyng / she vn-to Tiburce tolde
And after this Tiburce in good entente
With valerian / to Pope vrban he wente
Line 350
(51)
¶ That thanked god / & with glad herte & light [qui sanctus vrbanus]
he cristned him / and mad him in that place
Parfyt in his lernynge / goddes knyght
And after this / Tiburce gat swich grace
Line 354
That euery day / he sey in tyme and space
The Aungel of god / and euery maner boone
That he god axed / it was sped ful soone
Line 357
