[6-text p 536]
(36)
¶ And seide I wondre / this tyme of the ȝere
Line 246
whennes that swote sauour / cometh so
Of Rose and lilies / that I smelle heere
ffor though I hadde hem / in myn hondes two
The sauour myghte in me / no deppere goo
Line 250
The swete smel / þat in myn herte I fynde
hath chaunged me / al in a-nother kynde
Line 252
(37)
¶ Valerian seide / two corounes han we
Line 253
Snow white / & Rose reed / þat shynen clere
which þat thyne eyen / han no myght to se
And as þou smellest hem / thurgh my preyere
So shaltow sen hem / leue brother deere
Line 257
If it so be / þou wolt with-outen slouthe
Byleeue aright / & knowen verray trouthe
Line 259
(38)
¶ Tiburce answerde / seist þou this to me
Line 260
In soothnesse / or in dreem / I herkne this
In dremes quod valerian / haue we be
Vn-to this tyme / brother myn I-wys
But now at erst / in trouthe / oure dwellyng is
Line 264
how wostow this quod Tiburce / in what wyse
Quod valerian / that shal I the deuyse
Line 266
(39)
¶ The Aungel of god / hath me the trouthe I-taught
Line 267
which þou shalt seen / if þat þou wolt reneye
The ydoles and be clene / and ellis naught
And of the myracle / of theise corones tweye
Seynt Ambrose / in his preface list to seye
Line 271
Solempnely / this noble doctour deere
Commendeth it / and seith in this manere [folio 199a]
Line 273
