[6-text p 535]
(32)
¶ Valerian goth hoom / and fynt Cicilie
Line 218
with-Inne his Chaumbre with an Aungel stond
This Aungel hadde of Roses / and of lilie
Corounes two / the which he bar in honde
And first to Cecile / as I vnderstonde
Line 222
he ȝaf that oon / and after gan he take
That other / to valerian hire make
Line 224
(33)
¶ with body clene / and with vnwemmed thought
Line 225
kepeth ay wel / theise corones quod he
ffro Paradys to ȝow / haue I hem brought
Ne neuere moo / ne shuln they roten be
Ne lese here swote sauour / trusteth me
Line 229
Ne neuere wyght / shal sen hem with his eye [folio 198b]
But he be chaast / and hate vylenye
Line 231
(34)
¶ And thow valerian / for thow so sone
Line 232
Assentedest / to good counseil also
Sey what the list / & þou shalt han thy boone
I haue a brother / quod valerian tho
That in this world / I loue no man so
Line 236
I preye ȝow / þat my brother may haue grace
To knowe the trouth / as I do in this place
Line 238
(35)
¶ The Aungel seide / god liketh thy requeste
Line 239
And bothe with the palme / of martirdoom
Ȝe shuln come / vn-to his blisful reste
And with that word / Tiburce his brother coom
And whan that he / the sauour vndernoom
Line 243
which that the Rooses / & the lilies caste
with-Inne his herte / he gan to wondre faste
Line 245
