[6-text p 534]
(28)
¶ The teeres from his eyen / leet he falle
Line 190
Almyghty lord / o Ihesu Crist quod he
Sowere of chast counseil / hierde of vs alle
The fruyt of thilke seed / of Chastitee
That þou hast sowe in Cecile / take to the
Line 194
lo lyke a bisy bee / with-oute gyle
The seruyth ay / thyn owen thral Cecile
Line 196
(29)
¶ ffor thilke spouse / that she tok but now
Line 197
fful lyke a fiers leon / she sendith heere
As meke / as euere was any lamb to ȝow
And with þat word / a-noon there gan appere
An olde man / clad in white clothes clere
Line 201
That hadde a book / with lettre of gold in honde
And gan biforn Valerian / to stonde
Line 203
(30)
¶ Valerian as ded / fel doun for drede
Line 204
whan he him say / & he vp hente him tho
And oon his book / right thus he gan to rede
O lord / of o feith / o god / with-oute moo
O cristendom / and fader of alle also
Line 208
Abouen alle / & ouer alle / euery where
Theise wordes / alle with gold / I-wretyn were
Line 210
(31)
¶ whan this was red / than seide this olde man
Line 211
leeuest þou this thyng or no / sey ȝa or nay
I leue alle thyng / quod valerian
ffor sother thyng than this / I dar wel say
vnder the heuene / no wyght thynke may
Line 215
Tho vanysshed this olde man / he nyste where
And Pope vrban / him cristened right there
Line 217
