[6-text p 531]
(16)
¶ ffor leos peeple / in englissh is to seye
Line 106
And right as men moun / in the heuene se
The Sonne & Moone / and sterres euery weye
Right so / men goostly / in this mayden free
Seyen of feith / the magnanymytee
Line 110
And eke the clernesse / hol of sapience
And sondry werkes / brighte of excellence
Line 112
(17)
¶ And right so / as theise philosophres wryte
Line 113
That heuene is swift / & round / & eke brennynge
Right so was faire Cecile / the white
fful swift & bysy / euere in good werkynge
And round and hool / in good perseuerynge
Line 117
And brennyng euere / in Charite ful brighte
Now haue I ȝow declared / what she highte
Line 119
(18)
¶ This mayden bright / Cecile / as hire lif seith [¶ Gregorius in regis|tro libro 10 / ad Eulogium patriar|cham scribit Iudi|camus preterea / quia grauem hic interpretum diffi|cultatem patimur dum enim non sunt qui sensum de sen|su exprimant set transferre semper verborum proprie|tatem velunt / om|nem dictorum sen|sum confundunt &c'.]
was come of Romayns / & of noble kynde
And from hire Cradel / vp-fostred in the feith
Of Crist / and bar his gospel in hire mynde
She neuer cessed / as I wryten fynde
Line 124
Of hire preyere / and god to loue & drede
Bysekynge him to kepe / hire maydenhede
Line 126
(19)
¶ And whan this mayden shulde / vn-to a man
Line 127
I-wedded be / that was ful ȝonge of age
which þat I-cleped was / valerian
And day was comen / of hire mariage
She ful deuout and humble / in hire corage
Line 131
vnder hire robe of gold / þat sat ful faire
had next hire flessh / I-clad hire in an hayre
Line 133
