[6-text p 530]
(12)
¶ Ȝet preye I ȝow / that reden that I wryte
Line 78
fforȝeue me / that I do no diligence
This ilke storie / subtilly to endite
ffor bothe haue I / the wordes & sentence
Of him / that at the seyntes reuerence
Line 82
The storie wrot / and folwen hire legende
And preye ȝow / þat ȝe wole my werk amende
Line 84
(13) [THE TALE.]
¶ ffirst wolde I ȝow / the name of Seynt Cecelie [¶ Interpretacio nominis Cecilie quam ponit frater Iacobus Ianuensis in legenda aurea;]
Expoune / as men moun in hire storie se
It is to seyn on englissh / heuenes lilie
ffor pure chastnesse / of virginite
Or for she whitnesse hadde / of honestee
Line 89
And grene of conscience / and of good fame
The swote sauour / lilie was hire name
Line 91
(14)
¶ Or Cecile is to sayn / the weye to blynde
Line 92
ffor she ensaumple was / by good techynge
Or ellis Cecile / as I wretyn fynde
Is ioyned / by a maner / conioynynge
Of heuene and lia / and here in figurynge
Line 96
The heuene is set / for thought of holynesse
And lia / for hire lastynge bysinesse
Line 98
(15)
¶ Cecile / may eke be seid / in this manere
Line 99
wantyng of blyndnesse / for hire grete light
Of sapience / and for hire thewes clere [folio 197a]
Or ellis lo / this maydenes name bright
Of heuene and leos / cometh / for which by right
Line 103
Men myghte hire wel / the heuene of peeple calle
Ensample of good / and wyse werkes alle
Line 105
