[6-text p 529]
(8)
¶ Assembled is / in the magnificence
Line 50
with mercy / goodnesse / & swich pitee
That þou þat art the Sonne / of excellence
Nat oonly helpest hem / þat preyen the
But ofte tyme / of thy benignytee
Line 54
fful freely / er that men / thyn helpe byseche
Thow goost biforn / and art here lyues leche
Line 56
(9)
¶ Now helpe / þou meke & blisful / faire mayde
Line 57
Me flemed wrecche / in this desert of galle [folio 196b]
Thynke on the womman Cananee / that seide
That whelpes eten / somme / of the crommes alle
That from hire lordes table / ben I-falle
Line 61
And though that I / vnworthy / sone of Eue
Be synful / ȝet accepte my byleue
Line 63
(10)
¶ And for þat feith / is deth / with-outen werkes
Line 64
So for to werkyn / ȝeue me wyt & space
That I be quyt from thens / þat moost derk is
O þou that art so fair / and ful of grace
Be myn aduocate / in that heigh place
Line 68
There as with-outen ende / is songe Osanne
Thow Cristes moder / doughter deere of Anne
Line 70
(11)
¶ And of thy light / my soule in prison lighte
Line 71
That troubled is / by the cogitacion
Of my body / and also by the wighte
Of erthely lust / and fals affeccion
O hauene of refuyt / o sauacion
Line 75
Of hem / þat ben in sorwe / & in distresse
Now helpe / for to my werke / I wol me dresse
Line 77
