[6-text p 528]
(4)
¶ And for to putte vs / from swich ydelnesse
Line 22
That cause is / of so gret confusion
I haue heere doon / my feithful bysynesse
After the legende / in translacion
Right of thy glorious lyf / and passion
Line 26
Thow with thy gerland / wrought of Rose & lilie
The mene I / mayde & martir / seynt Cecilie
Line 28
(5)
¶ And þou that flour / of virgines art alle [¶ Inuocacio ad Mariam]
Of whom þat Bernard / list so wel to wryte
To the / at my bygynnyng / I first calle
Thow confort of vs wrecches / do me endite
Thy maydenes deth / þat wan thurgh hire merite
Line 33
The eternal lyf / and ouer the fend victorie
As man may after reden / in hire storie
Line 35
(6)
¶ Thow mayde & moder / doughter of thy sone
Line 36
Thow welle of mercy / synful soules cure
In whom / þat god of bountee / chees to wone
Thow humble & heygh / ouer euery creature
Thow nobledest so ferforth / oure nature
Line 40
That no disdeyn / the makere hadde of kynde
his sone in blood & flessh / to clothe & wynde
Line 42
(7)
¶ with-Inne the cloistre blisful / of thy sydes
Line 43
Took mannes shap / the eternal loue & pees
That of the Tryne compas / lord and gyde is
whom erthe and see / & heuene / out of relees
Ay heryen / and þou virgine wemmelees
Line 47
Baar of thy body / & dwelledest mayde pure
The creatour / of euery creature
Line 49
