Page 216
[6-text p 167]
And here bygynneþ þe prologe of þe sqwiere [on leaf 103]
Oure hoost vpon his stiropes stood anon [‖ þe prologe]
And seide good men herkeneþ euerychon
This was a þrifty tale for þe nones
Sire parissh preest quod he for goddes bonys
Line 1166
Telle vs a tale as was þi forward yore
I se wele pat ȝe leerned men in lore
Can moche good by goddes dignyte
þe Parsone hym answered benedicite
Line 1170
What eileþ þe man so synfully to swere
Oure hoost answerd O Iankyn be ȝe þere
I smelle a lollard in þe wynde quod he
Howe good men quod our hoost herkneþ me
Line 1174
Abideþ for goddis digne passion
ffor we shal haue a predicacion
þis lollard here wil prechen vs somwhat
Nay by my fader soule þat shal he nat
Line 1178
Seide þe Sqwier here shal he nat preche
He shal no gospel glosen here ne teche
He leueþ al in þe grete god he
He wolde sowen som difficulte
Line 1182
Or springell Cokel in oure clene corn
And þerfore hoost I warne þe byforn
Mi Ioly body shal a tale telle
And I shal Clynken ȝou so mery a belle
Line 1186
Þat I shal waken al þis companye
But it shal not bene of Philosophie
Ne Phislyas ne teermes queynt of lawe
Þer is but litel latyn in my mawe [[The Squire's Tale follows in the MS.]]
Line 1190