Page 676
[The Remedy against Gluttony.]
[831] ¶ Aȝeinst glotenye is the remedy abstinence of his [¶ Remedium./] body as seiþ Galien. but þat hold I not meritorie if he do it only for þe helþ of his body ¶ Seynt austyne wil þat abstinence be doon for vertue & [¶ Augustinus.] wiþ pacience [832] ¶ Abstinence he seiþ is litel worþ. but if a / man haue good wille þerto / and but if it be enforced by pacience and by charite and þat men doon it for goddys / sake and in hope to haue þe blisse of heuene
[833] ¶ The felowes of abstynence. bene attemper|aunce þat haldeþ þe mene in alle [folio 298a] þingges ¶ Eke shame þat escheweþ all dishoneste. Suffisaunce þat sekeþ no riche metes ne drinkes ne dooþ noo force of noon / outrageous apparaillynge of mete [834] Mesure also þat restreyneþ by reson þe delaue appetite of etynge. Sobrenesse also þat restreyneþ þe outrage of drynk. [835] Sparyng also þat restreyneþ þe delicate eese to sitte longe atte mete and softly // wherfore some folk stonden of her owne wille and to eten at þe lasse leisere