The Petworth ms. of Chaucer's Canterbury tales. Ed. by Frederick J. Furnivall.
About this Item
Title
The Petworth ms. of Chaucer's Canterbury tales. Ed. by Frederick J. Furnivall.
Author
Chaucer, Geoffrey, d. 1400.
Publication
London,: Pub. for the Chaucer society by N. Trübner & co.,
1868-1879.
Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
"The Petworth ms. of Chaucer's Canterbury tales. Ed. by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/ASH2689.0001.001. University of Michigan Library Digital Collections. Accessed May 23, 2024.
Pages
descriptionPage 435
[6-text p 560]
[THE TALE.]
Ther is a chanon of ReligiounAmonges vs wolde enfecte al a tounLine 973 Thouȝe it as grete were as was NyniueRome. Alisaundre . Troie & oþer þrehis scleightes and his infinite falsnesseTher couþe no man writen as I gesseLine 977 Thouȝe þat he myȝt lyuen a thousand ȝereIn al þis world of falsenesse nys his pereffor in his teermes he wil hym so wyndeAnd speke his wordes in so scleȝe a kyndeLine 981 Whan he comune shal wiþ eny wiȝtThat he wil make hym dote anon riȝtBut it þe feende be as hym seluen isfful mony a man haþ he bygyled er þisLine 985 And wil if þat he may lif a whileAnd ȝit men riden and goon ful mony a myleHym forto seke and haue of a-queyntaunceNat knowing of his fals gouernaunceLine 989 And ȝif ȝe lust to ȝeue me audience [folio 204b] I wil it tellen in wiþ ȝoure presenceBut worshipful Chanon ReligiousNe demeþ not I sclaundere ȝour housLine 993 Al-þouȝe my tale of a chanon beOf euery ordere som shrewe is pardeAnd god forbede þat all a companyeShulde rewe a syngule mannys folyLine 997 To sclaundere ȝou is nat myn ententBut to correcten þat mys I-ment
descriptionPage 436
[6-text p 561] This tale was not only told for ȝouBut eke for oþer moo ȝe wote wel howeLine 1001 That amonges cristes apostels twelueþer ne was no traitour but Iudas selueThan whi shulde þe remenaunte all haue blameþat giltlees were be ȝou saye I þe sameLine 1005 Sauf only þis if ȝe wil harken meIf eny Iudas in ȝoure couent beRemeueth hym be tyme I ȝou redeIf shame or losse may causen eny dredeLine 1009 And beþ no þinge displesed I ȝou prayBut in this caas herkneþ what I sayIn london was a preest an annuelereThat þerInne dwelled had mony a ȝereLine 1013 Which was so plesaunt and so seruisableVnto þe wiff where he was att tableThat she wolde suffre hym no þing forto payeffor borde ne . cloþinge went he neuere so gayLine 1017 And spending siluere had he riȝt ynoweTherof no force I wil procede as noweAnd telle forþ my tale of þe chanonþat brouȝt þis preest to confusionLine 1021 This fals chanon came vpon a dayVnto þe preestes chambere þer he layBysechinge hym to lene hym a certeynOf golde and he wolde quyte hym ageynLine 1025 Leneþ me a marke quod he but daies þre [folio 205a] And at my day I wil it quite þeAnd it so be þow fynde me falsAn oþer day honge me by þe halsLine 1029 This prest him toke a marke and þat as switheAnd þis chanon hym þonked ofte sitheAnd toke his leue and went forþ his wayAnd at þe þred day brouȝt his monayLine 1033 And to þis preest he toke his gold ageynTherof þis preest was glad and fayn
descriptionPage 437
[6-text p 562] Certes quod he no þinge anoyeþ meTo lene a man a noble or twoo or þreeLine 1037 Or what þinge were in my possessionWhan he so trewe is of condicionThat in no wise he breke wil his dayTo such a man I can neuere say nayLine 1041 What quod þis chanon shuld I be vntrewe¶ Nay þat were þinge fallen al of nweTreuþe is a þing þat I wil euer kepeVnto þe day in which þat I shal crepeLine 1045 Into my graue and ellis god forbedeBileueþ þis as siker as is ȝoure credeGod thonke I and in good tyme be it seideThat þer was neuere man ȝit euel apaideLine 1049 ffor gold ne siluere þat he to me lentNe neuere falshede to myne hert I mentAnd sire quod he nowe in my priveteSiþens ȝe so goodly haue bene to meLine 1053 And kyþed to me so grete gentilnesseSomwhat to quiten wiþ ȝour kyndenesseI wil ȝou shewe and ȝif ȝou lust to lereI shal it shewe to ȝou anon riȝt hereLine 1057 How I can worchen in philosophieTakeþ good hede ȝe shullen see wel at yeThat I wil done a maistrie er I gooȜe quod þe preest ȝe sir and wil ȝe soLine 1061 Marie þerof I prei ȝou hertely [folio 205b] At ȝoure comaundement sir trewlyQuod þe chanon and ellis god forbedeLoo howe þis þeef kouþe his seruise bedeLine 1065 fful soþ it is þat such propferd seruiseStynkeþ as witnessen þise olde wiseAnd þat ful sone I wil it verefieIn þis chanōn is rote of al trecheryeLine 1069 That euere more delite haþ and gladnesseSuch feendly þouȝtes in his hert empresse
descriptionPage 438
[6-text p 563] How cristes puple he may to meschief bringe /God kepe vs from his fals dissimulyngeLine 1073 What wist þis preest wiþ whom þat he delteNe of his harme commyng no þing he felteO sely preest o. sely InnocentWiþ couetise anon þou shalt be blentLine 1077 O gracelees ful blynde is þi conseiteNo þing art þow war of þe deceiteWhich þat þis fox shapen haþ to þeHis wily wrenches þou maist not fleeLine 1081 Wherfore to goo to þe conclusionþat referreþ to þe confusionVnhappy man anon I wil me hyeTo tellen þine vnwitte and þi folyLine 1085 And eke þe falsenesse of þat oþer wreccheAs ferforþ as my conyng wil streccheþis chanon was my lorde ȝe wolde weneSir Oost in feiþ and by þe Heuene queneLine 1089 It was anoþer chanon and nat heþat can an hundred fold more sotiltehe haþ bytraied folk mony tymeOf his falsnesse it dulleþ me to rymeLine 1093 Euere whan I speke of his falshedeffor shame of him my chekes wexen redeAlgates þei bygonne forto gloweffor redenesse haue I now riȝt wel I knoweLine 1097 In my visage for fumes dyuers [folio 206a] Of metalles which ȝe han herde me rehersConsumed and waasted han my Redenesse /Take nowe hede of þi[s] chanons cursednesseLine 1101 Sir quod he to þe preest lat ȝour man goneffor quyk siluere þat we it had anōnAnd lat hym brynge vnces twoo or þreAnd whan he commeþ as fast shul ȝe seLine 1105 A wonder þinge whiche ȝe see neuere er þisSir quod þe preest it shal be done ywis
descriptionPage 439
[6-text p 564] He bad his seruaunte fecchen him þis þingeAnd he al redy was at his biddyngeLine 1109 And went hym forþ and come anon ageynwiþ þis quyk siluere shortely forto seynAnd toke þise vnces þre to þe chanounAnd he it laide faire and wel adounLine 1113 And bad þe seruaunte colys forto bryngeÞat he anoon myȝt goo to his worchisThe Colis riȝt anoon weren setteAnd þis Chanon toke out a crosletteLine 1117 Of his bosom and shewed it þe preestThis instrument quod he which þat þou seestTake in þine hond and pitt þiself þerInneOf þis quyk siluer an vnce an here bygynneLine 1121 In þe name of crist to wex a philosophreÞer bene ful fewe whiche þat I wold profreTo shewen hem þus mochel of my scienceffor ȝe shullen see here by experienceLine 1125 That þis quik siluer I wil mortefieRiȝt in ȝoure siȝt anoon wiþ-out lyeAnd made it as good siluer and as fyneAs þer is eny in ȝoure purs er myneLine 1129 Or ellis where and make it malliableAnd ellis holde me fals and vnableAmonges folke euer to apereI haue a powder here þat cost me dereLine 1133 Shal make al good for it is cause of all [folio 206b] My konynge which þat I ȝou shewe shallVoideþ ȝour man and lat hym be þer outAnd schitte þe door þe whiles we bene abouteLine 1137 Our privete þat no man vs espieWhiles we worchen in þis philosophieAl as he bad fulfilled was in dedeThis ilke seruaunte anoon riȝt out ȝedeLine 1141 And his maistere shitte þe dore anoneAnd to her laboure spedely þei gone
descriptionPage 440
[6-text p 565] This preest at þis cursed chanons biddyngeVppon þe fure anon sette þis þingeLine 1145 And blewe þe fire and busied hym ful fastAnd this chanon into þis croslette castA powdere I note wherof it wasI-made eiþer of chalk or ellis of glasseLine 1149 Or somwhat ellis was not worþ a flieTo blynde wiþ þis preest and bad hym hieThise coles forto cowchen al aboueThe crosselette; for in token þat I þe loueLine 1153 Quod þis Chanon þine hondes twooShal worche al þing which as shal be dooGraunt mercy quod þe preest and was ful gladAnd cowched coles as þe chanon badLine 1157 And þe whilys he bisy was þis feendly wrecheThis fals chanon þe foule fende hym feccheOut of his bosom toke a bechen coleIn which ful sotilly was made an holeLine 1161 And þer-in pitte was of siluere lymailleAn vnce and stopped was wiþ-out failleThis hoole wiþ wex to kepe þe lymaille InneAnd vnderstondeþ þat þis fals gynneLine 1165 was not made þere but it was made biforeAnd oþer þingges I shal telle moreHere-afterward which þat he wiþ hym brouȝtEre he come þere to begile hym he þouȝtLine 1169 And so did er þei went atwynne [folio 207a] Til he had turned hym couþe he nat blynneIt dulleþ me whan þat I of hym spekeOn his falshede fayn wolde I be a-wrekeLine 1173 If I wist howe but he is here and thereHe is so variaunt he bitte no whereBut takeþ hede nowe sirs for goddys loueHe toke his cole of whiche I speke aboueLine 1177 And in his honde he bare it privelyAnd whiles þe preest couched bisyly
descriptionPage 441
[6-text p 566] þe coles as I tolde ȝou er þisþis Chanon seide frende ȝe done a-mysLine 1181 þis is not couched as it ouȝt beBut sone I shal amende it quod heNow lat me medle þerwiþ but a whileffor of ȝou haue I pite be seint gyleLine 1185 Ȝe bene riȝt hoote I se wel howe ȝe sweteHaue here a cloþe and wipe away þe weteAnd whilys þe preest his wy haasþis chanon toke his cole I shrewe his faasLine 1189 And laide it vpon abouen þe mydwardOf þe Crosselette and blewe wel afterwardTil þat þe Coles gonne fast brenneNowe ȝeue vs drynk quod þe chanon þen ·Line 1193 As swith . al shal be wel I vndertakeSitte we a-doun and lat vs mery makeAnd whan þe chanons bechen coleWas brentte al þe lymaille out of þe holeLine 1197 Into þe Crosselette anon fille adounAnd so it most nedes by resounSiþ it so euen aboue couched wasBut þerof wist no þing þe preste allasLine 1201 He demed al þe coles liche goodffor of þe scleiȝt no þinge he vnderstoodAnd whan this Alkamystere segh his tymeRiseþ vp sire preest and stondeth by me .Line 1205 And for I wote wele Ingot haue ȝe none [folio 207b] Goþ walkeþ forþ and bringeþ a chalk stoneffor I wil make it of þe same shapThat is an Ingot ȝif I may haue happeLine 1209 And bringe wiþ ȝou a bolle or a pannefful of water and ȝe shul see þanHowe þat oure bysynesse shal happe and preueAnd ȝit for ȝe shul haue no mysbileueLine 1213 Ne wronge conceite of me in ȝoure absenceI wil not bene out of ȝoure presence
descriptionPage 442
[6-text p 567] But go wiþ ȝou and come wiþ ȝou agaynþe Chambere door shortely to saynLine 1217 They opned and shette and went forþ her wayAnd forþ wiþ hem þei karied þe kayAnd comme ageyn wiþ-out eny delayWhat shuld I tary al þe longe dayLine 1221 He toke þe chalk and shope it in þe wiseOf an Ingot as I shal ȝou deuyseI saie he toke out of his owne scleueA teyne of siluere euel mote he cheueLine 1225 Whiche þat was but an vnce of weiȝtAnd takeþ hede nowe of þis cursed scleiȝtHe shope his Ingot in length and in bredeOf þe teyne wiþ-out eny dredeLine 1229 So sclyȝly þat þe preest it not aspiedAnd in his scleue agayn he gan it hideAnd from þe fire toke vp his matereAnd into þe Ingot it pitt with mery chereLine 1233 And into þe water vessel he it castwhan þat him list and bad þe preest as fastLoke what þer is pitte in þine honde and gropeThow shalt fynde þere siluer as I hopeLine 1237 What deuel of helle shuld it ellis beShavynge of siluere . siluere is pardeHe pitte In his honde and toke vp a teyneOf Syluere fyne and glad in euery veyneLine 1241 was þis preest whan he segh þat it was so [folio 208a] Goddys blessing and his moders alsoAnd alle halowes haue ȝe sir chanōnSaide þe preest and I her malysonLine 1245 But and ȝe vouche-sauf to teche meThis noble craft and þis sotilteI wil be ȝour in all þat euere I mayQuod þe Chanon ȝit wil I make assayLine 1249 The secounde tyme þat ȝe mow take hedeAnd bene expert of þis and in ȝour nede
descriptionPage 443
[6-text p 568] Anoþer day [assaie] in myne absenceThis disciplyne and þis crafty scienceLine 1253 ¶ Lat take anoþer vnce quod he þooOf quik siluer wiþ-out wordes moo /And doo þerwiþ as ȝe han done er þisWith þat oþer which þat now siluer isLine 1257 This preest hym busieþ in al þat he canTo done as þis chanon þis cursed manComaundeþ hym and fast bloweþ þe fuyrefforto come to þe effecte of his desireLine 1261 And þis chanon riȝt in þe mene whileAl redy was þis preest eft to begileAnd for a countenaunce in his hand bareAn holowe stik take hede and be wareLine 1265 In þe eende of which an vnce and no moreOf syluere lymaille put was al biforewas in his cole and stopped with wex welfforto kepe in his lymaille euery dellLine 1269 And whilis þis preest was in his bysynesseThis Chanon wiþ his stik gan hym dresseTo hym anon and his powdere cast InneAs he did eer þe deuel out of his skynneLine 1273 Hym turne I prey to god for his falshedeffor he was euer fals in oþe and dedeAnd wiþ his stik aboue þe crosseletteThat was ordeyned wiþ þat fals gette.Line 1277 He stireþ þe coles til relente gan [folio 208b] The wex a-gayn þe fuyr as euery manBut it a fool be wote wele & mote nedeAnd alle þat in þe hole was . out ȝedeLine 1281 And into þe crosselette hastely it felleThe preest supposed no þing but welBut bisied him fast and was wonder faynSupposing nouȝt but trouþe soþ to saynLine 1285 He was so glad I can not expresseIn no manere his myrth and his gladnesse
descriptionPage 444
[6-text p 569] And to þe Chanōn he profred eft soneBody and good ȝe quod þe chanon soneLine 1289 þouȝe poor I be crafty þow shalt me fyndeI warne þe ȝit is þer more behindeIs þere eny copoure here In saide heȜe sir quod þe preest I trowe þer beLine 1293 Ellis goo by some and þat as switheNow sir go forþ þi way and hithe.And went his way and with þis coper he camAnd þis chanon it in his honde it nam.Line 1297 And of þat copere weyed out but an vnceAl to symple is my tunge to pronunceHis monstre as his witte þe doublenesseOf þis Chanon roote of cursednesseLine 1301 He semed frendely to hem þat knewe hym nouȝtBot he was feendly boþ in werk and þouȝtIt werieþ me to telle of his falsenesseAnd nathelees ȝit wil I it expresseLine 1305 To þat entent men may be ware þerbyAnd for noon oþere cause trewlyHe putt þis vnce of copere into þe crosseletteAnd on the fuyre as swithe he haþ it setteLine 1309 And kest In powdere and made þe preest to bloweAnd in his worching for to stoupe loweAs he did erst and al nys but a IapeRiȝt as him list þe preest he made his ApeLine 1313 And afterward into the Ingot he it cast [folio 209a] And in þe panne pitt it atte lastOf watere and in he pitte his owne hondeAnd in his scleue as ȝe to-fornhondeLine 1317 Herd me telle he had a siluer teyneHe sclily toke it out þis cursed heyneVnwetinge þis preest of his fals craftAnd in þe pannes botme he haþ it laft.Line 1321 And in þe watere rombleþ too and froo /And wondere prively toke it vp also
descriptionPage 445
[6-text p 570] þe Copere teyne nat knowing þis preestAnd hid it and hente hym by þe breestLine 1325 And to hym spake and þus seide in his game ./Stowpeþ a-downe by god ȝe be to blame.Helpeþ me nowe as I did ȝowe whilerePutte Inne ȝoure honde and lokeþ what is þereLine 1329 This preest toke vp þis siluere teyne anoneAnd þan seide þe chanon lat vs goneWiþ þise þre teynes whiche þat we han wrouȝtTo somme goldsmyth and wit ȝif it be ouȝtLine 1333 ffor be my feiþe I nolde for myne hodeBut if þei were siluere fyne and goodeAnd þat as swiþe proued shal it beVnto þe goldsmythe wiþ þise teynes þreLine 1337 went þei and pitte þise teynes in assayTo fyre and hamere myȝt no man say nayBut þei were as hem ouȝte to beThis sotted preest who was glad but heLine 1341 Was neuere bridde gladdere aȝeinst þe dayNe nyȝtyngale in þe seson of may.was neuere noon þat list better to syngeNe lady lustyer in Carolynge.Line 1345 And forto speke of loue and wommanhedeNe knyght in armes done an hardy dedeTo stonden in grace of his lady dere.Than had þis preest þis craft to lere.Line 1349 And to þe chanon þus he speke and saideffor þe loue of god þat for vs deyde ./And as I may deserue it vnto yowe [folio 209b] What shal þis Receyte cost telleþ noweLine 1353 By oure lady quod þis chanon it is dere /I warne ȝou . for saaf I and a frereIn Engelonde þer can no man it makeNo fors quod he nowe sir for goddys sake /Line 1357 What shal I paye telle me I þe prayIwis quod [he] it is ful dere I saie /
descriptionPage 446
[6-text p 571] Sir at oon woord if þat þe lest it haueȜe shul paye xl. li. so god me saue.Line 1361 And ne were þe frendship þat ȝe did er þisTo me / ȝe shuld paie more ywis ./This preest þe some of fourty pounde anonOf nobles fette and toke hem euerechonLine 1365 To þis Chanon for þis ilk receiteAll his worchinge was strawe and deceiteSir preest he saide I kepe forto haue no loosOf my craft for I wold it were kept cloosLine 1369 And as ȝe loue me kepeþ it secreffor and men knewe al my sotilteBy god men wolde haue so grete envieTo me by cause of my philosophieLine 1373 I Shuld be dede þer nys noon oþer wayeGod it for-bede quod þe preest what say ȝe.Ȝit had I leuere spenden al þe goodWhich þat I haue and ellys wexe I wood /Line 1377 Than þat ȝe shuld fallen in such meschiefffor ȝoure good wille sir haue ȝe riȝt good preefQuod þe Chanōn . and sir . oft graunt mercyHe went his way þat neuere þe preest hym sieLine 1381 Aftere þat day and whan þis preest shuldeMaken assay at suche tyme as he woldeOf þis Receite . fare wel it wold nat beLoo þus byiaped and begiled was heLine 1385 Thus makeþ he his IntroducciōnTo bringe folk to her destructiōnConsidereþ surs howe þat in eche astaatBytwix men and gold þer is debaatLine 1389 So fer forþ þat vnneþes þer is oon [folio 210a] This multiplyinge so blendeþ mony ōnThat in good faiþ I trowe þat it beThe cause grettest of þe grete scarceteLine 1393 Thise philosophres speken so mystelyIn þis craft þat men can not come þerby
descriptionPage 447
[6-text p 572] ffor eny witte þat men han now adayes.Þei may wel Chitere and iangle as don þise IaiesLine 1397 And in her teemes sette lust and peyneBut to her purpoos shul þei neuere atteyneA man may liȝtly lerne ȝif he haue ouȝteTo multiplie and bringe his good to nouȝteLine 1401 Loo suche a lucre is in þis lusty game.A mannes merþe wil it turne al to grameAnd empty also grete and heuy purses.And make folk to purchasen cursesLine 1405 Of hem þat han þerto her good ylentO. fy for shame þei þat han be brentAllas can þei nat flee þe fires heteȜe þat it losen I rede ȝe it leteLine 1409 lest ȝe lesen all. for bette þan neuere is lateNeuere to þrive were to longe a dateThouȝe ȝe prolle ay ȝe shul it neuer fyndeȜe bene as bolde as is bayard þe blyndeLine 1413 That blundreþ forþ and perile casteþ nonHe was bolde to renne aȝeinst a stonAs forto goo be sides in þe way¶ Soo faren ȝe þat multiplien I sayLine 1417 Ȝif þat oure eyen can nat seen ariȝtLokeþ þat ȝoure mynde lak nat his siȝtffor þouȝe ȝe loke neuere so brode and stareȝe shul nat wynne a myte in þat chaffareLine 1421 But waasten all þat ȝe may rappe and renneWiþdrawe þe fuyre lest it so fast brenneMedleth no more wiþ þat art I mene.ffor ȝif ȝe doon ȝoure þrift is goon ful cleneLine 1425 And riȝt as swiþe I wil ȝou telle hereWhat þat þe philosophres seyn in þis matereLoo þus seiþ alnold of þe newe toune [folio 210b] As his rosarie makeþ menciounLine 1429 He seiþ riȝt þus wiþ-oute eny lieTher may no man mercury mortefie
descriptionPage 448
[6-text p 573] But ȝif it be wiþ his broþers knowlecchingeHowe þat he which þat ferst seide þis þingeLine 1433 Of philosophres fader was hermesHe seiþ how þat þe dragon doutelees /Ne dyeþ nat but ȝif he be sclaynWiþ his broþer and þat is forto sayneLine 1437 By þe dragon mercurye and noon oþerHe vnderstood þat bremstone were his broþerþat out of sol and luna were ydraweAnd þerfore saide he take hede to my saweLine 1441 Lat no man bisie him þis arte forto seche.But he þat þe entenciōn and specheOf philosophres vnderstonde canAnd if he doo he is a lewde manLine 1445 ffor þis science and þis conyng quod heIs of þe secree of secrees pardeAlso þer was a disciple of platoþat on a tyme saide his maister too.Line 1449 As his boke somere wil bere witnesseAnd þis was his demaunde en soþfastnesseTel me þe name of a priue stoōnAnd plato answered vnto hym anoōnLine 1453 Take þe stoon þat Titanos men nameWhich is þat quod he magnasia is þe sameHis disciple seide ȝe sire and is it þusþis is ignotum per ignociusLine 1457 What is magnasia good sire I prayIt is a watere þat is made I sayeOf elementes foure quod Plato.Telle me þe roche good sire quod he þoo.Line 1461 Of þat watere if it be ȝoure willeNay nay quod Plato certeyn þat I nyllThe philosophres were sworn echonþat þei shulde diskeuere it to no monLine 1465 Ne in no booke it write in no manere [folio 211a] ffor vnto crist it is so leef and dere.
descriptionPage 449
[6-text p 574] þat he wil nat þat it diskeuered beBut where it likeþ to his deiteLine 1469 Man to enspire and eke forto defendeWhan þat him likeþ loo þis is þe endeThan conclude I þus siþens þat god of heueneNe wil not þat þe philisophres neueneLine 1473 How þat a man shal come vnto þis stoneI rede as for the best lat it goneffor who so makeþ god his aduersaryeAs forto worche eny þinge in contrarieLine 1477 Vnto his wille certes neuere shal he thryveþouȝe þat he multiplie teerme of his lyueAnd þer a poynt for eended is my tale.God seende euery trewe man boote of his bale /Line 1481