Þe soþe al day is seene in siht:
Þe weikest ay bi-neoþe is cast.
Þerfore sei I, bi god almiht,
To suffre [in] tyme and þat is best.
Line 44
(5)
Mon, ȝif þou wolt þe state meyntene.
Wiþ lordes In counseil forte sette,
Þer euer mon moste in certeyne
Schewe his wisdom and his witte:
Line 48
Þen, what-so-euer hapnes þe to seyne,
Let al þi wordes to wisdam knitte,
Or summe of þe feeres wol taken in deyne,
And for pruyde reson hitte.
Line 52
Ȝif þou here hem so chyde or flitte,
Þer wol no reson in hem reste,
Holt þi tonge and þi mouþ ditte,
And suffre [in] tyme and þat is beste.
Line 56
(6)
And aftur, whon þou woldest not wene,
Whon alle soþes ben souȝt and sayd,
Þi wordes þei wole take by-deene,
And of þi speche þei wol holde hem payd:
Line 60
Þen schul þei abassched beone,
And of heer errours ben dismayed,
Whan þi wisdam schal be set and sene
And alle heore folys ben displayed.
Line 64
Hasti men ben ofte outrayede
Whon heore tonges ben to preste.
Hose haþ ben ofte of sore hokes braide,
Soffre [in] tyme and þat is beste.
Line 68
(7)
Ȝif hit bi-tideþ be niht oþer day
To falle in-til a cumpaignye
Þer nyse folk wiþ folyes play,
And out of reson þei ȝelle and crie,
Line 72
Þen mostou worchen wiþ þis assay,
And holde vp oyl by and by,
Til þou mowe priuely go þi way;
Þen kuiþest þou wel þat þou art slih;
Line 76
