In eorþly loue is luytel store,
ffor al þat nis but vanyte.
Line 92
Wher I schal euer þat day I-se,
To plese my ladi ones to pay?
Heo is of colour and beute
As fresch as is þe Rose In May.
Line 96
(13)
Hose lust not loue, let hym be-leue,
ffor I wol holde þat I haue hiht;
Þat lust schal no mon from me reue
Þat I nul loue my ladi briht.
Line 100
Loue, loue, do me riht,
Marie Mooder, Mayden clene,
In heuene of þe to haue a siht,
Ladi, to þe my mone I mene.
Line 104
18. Maiden Mary and her Fleur de Lys.
(17 stanzas of 8, abab bcbc.)
(1)
MArie Mayden, Moder Mylde,
Þat blisful Bern in bosum beere,
Cheef & chast þou ches of chylde
Of alle wymmen In world þat were:
Line 4
Saue vs sound, and socur vs here,
As princes is preised & proued for prys.
What leode þis lesson lykes to lere,
Be token hit is þe fflourdelys.
Line 8
(2)
Þat freoli flour weore fair to fynde,
what gome wolde go þer as hit greuȝ.
As Maacer herof made in his Mynde;
Þus kenned him Catoun, his craftes he kneuȝ,
Line 12
What segge on soil þat þat seed seuȝ,
Hit is holy at myn avys;
Aboue þe Braunches beþ Blosmes neu,
Þe lele cheses faire þe fflourdelys.
Line 16
