O þi bodi þou schalt be lihtore,
And þi weyes wende þe Rihtore,
Þorwh him þat mihtes may.
Line 132
ÞOuh he be nouȝt at þi lykynge,
Þe prest þat schal þy masse synge,
Þerfore lette þou nouht:
Line 135
His Masse schal be as [altered from a to as by another hand.] good to heere
As Monk, Chanoun, Hermyte or ffrere,—
Þus þenk hit in þy þouht,—
Line 138
Þauȝ his preyere and his bone
Bi-fore God come not so sone
As he þat neuer synne wrouȝt:
Line 141
Ihesu crist, souereyn of al,
He may deeme boþe gret and smal,
Þus Doctours han I-souht.
Line 144
Seynt Ambrose seiþ, hose redeþ riht:
Þe Masse Is of so muche miht,
Þer nys no mon þat May,
Line 147
Wheþer þat he be old or ȝonge,
Þe tenþe part telle wiþ tonge,
Þeiȝ he schulde liue for ay.
Line 150
Þe Exposission is so expres,
Wiþ al þe priuete of þe Mes,
Serteyn wiþ-oute delay,
Line 153
Þat, couþe a mon neuere so muche of art,
He mihte not telle þe tenþe part,
Þauȝ he hedde þouȝt to say.
Line 156
Seynt Ierom seiþ: for soules sere, [folio 302b:3]
Þauh a Mon wolde a þousent ȝere
Do a Masse for to synge,
Line 159
Hit [MS. His] is nouþer more ne las
But vch a soule schal haue a mas—
Hit is so heiȝ a þinge.
Line 162
Ȝit I Rede ow go to chirche,
Godes werkes for to worche,
In-to vr laste endynge:
Line 165
Haue we no doute of vr dole,
Vch soule schal haue a masse al hole,
Þorw help of heuene-kynge.
Line 168
