Þou seydest "Consummatum est,"
Þyn hed fel doun, þou ȝelde þe gost. [r. gest]
Line 172
Ihesu, þou seidest; "alle ȝe
Þat passen be þe wey bi me,
A while a-bydeþ, comeþ and se
Line 175
Ȝif eny serwe is lyk to me." [cf. Testamentum Christi, vv. 93-6.]
Ihesu, þou seidest: "tel þow me,
Mi deore folk, what hit may be,
What haue I gult aȝeynes þe
Þat þou so bitter art to me?"
Line 180
Ihesu, þou seydest þenne more:
"Mi deore folk, ȝe tel me ȝore,
Haue I wiþ myn holi lore
And gode dedes I-hurt so sore?"
Line 184
Ihesu, þou seidest after ȝet:
"Mi deore wynȝard, ne haue I þe set,
Mi ffader blisse þe bi-het,
Wiþ al my-self—what woldest þou bet?"
Line 188
Ihesu, þou seidest: "hou is þis,
Mi Swete, what haue I do mis
Þat þou wiþ-outen eny lis
Me ȝeldest schome aȝeyn Mi blis?"
Line 192
[This st. om. in H.] MArie, þat slakest alle wo,
Helle-peynes schild me fro,
And ȝif me grace her do so
Þat I from henne to heuene go.
Line 196
Ihesu, ffyue welles [H woundes] I fynde in þe,
Þat loue spring to drawe me [H Þy loue-sprenges tacheþ me] ;
Of Rede blod [H Of blod & water] þe stremes be,
Mi soule of synnes wasschen heo. [H Vs to whosshe from oure fon þre.]
Line 200
Ihesu, my soule drauȝ [H saule drah] þe to,
And mak myn herte [H Min heorte opene &] wyde vndo;
Ȝif hit þi loue [H Þis hure of l.] to drynke so,
Þat flessches lustes ben [H fleyssliche lust be al] fordo!
Line 204
[The next 2 stanzas om. in H.] Ihesu, Muchel Ich owe þe:
Who schal hit al ȝelde þe?
