And to þi ffader, er þou leete,
Þow madest a boone wiþ herte swete:
Line 28
To him þou seidest: "ȝif hit may be,
Deore ffader, I preye þe,
Þis peyne passe a-wey from me;
As þow wolt so moot hit be!"
Line 32
Ihesu, þou tornedest to hem þan:
And founde hem slepen vch a man;
Þow beede hem waken, &, er þou blan,
A-non aȝeyn þe wey þou nam.
Line 36
Ihesu, þus eft þe selue boone
Þat þou beo-fore bi-gonne to done,
And eke þe þridde tyme sone
Þow madest, wiþ a Milde mone.
Line 40
Ihesu, wiþ þat þou preye gon,
Þe swot of blood from þe ron.
ffrom heuene an Angel lihte þon
And þe cumfortede, God and Mon.
Line 44
[This st. is om. in H.] MArie Mylde, freo and gent,
Preye for me—þou art present—
Whon my soule is from me went,
Þat hit haue good Iuggement.
Line 48
Ihesu, for loue þou soffredest [H þoledest] wrong,
Woundes sore and peynes [H pine] strong;
Þi peynes reuþful weore and long, [H Þine peynes rykene hit were long]
Ne may me hit telle in spel [H Ne may hem tellen spel] ne song.
Line 52
Ihesu, for loue þou suffredest so [H dreȝedest; so, om. in H.] wo
Þat [om. in H.] bloodi stremes Ronne þe fro;
Þi white bodi was bleyk [H Þat þi bodi wes blak] and blo—
Vre sunnes hit made, weylawo [H For oure s. hit wes so] !
Line 56
[The next 6 stanzas om. in H.] Ihesu, þi Coroune sat þe sore,
Þe scourgyng whon þow scourget wore;
Hit was for me—Ihesu, þin ore!—
Þe peynes þat þow þoledest þore.
Line 60
Ihesu swete, þow heng on tre
Not for þi gult, but al for me,
