¶ Of the seuen sacraments.
ȜEt the seuen sacramentȝ are nedful to kenne.
ffor baptyme of al synne may soccour all men;
For who as taas hit lawefully,
Of synne is clensed al fully.
Line 896
The secund sacrament is confermyng:
That agayn the fend is a gret strenghting.
The third is the sacrament of the auter,
That is declared a litel befor here.
Line 900
The ferth is penance ordaynd for mannes synne;
This lawefully has thre parties him with-Inne:
Sorow of hert, schrift of mouth, & asseth making—
This thre of mede & grace bringes agayn taking.
Line 904
The fift sacrament is for seke men anoynting:
This is soccour agayn al uenial synnyng.
The sext is ordour that clerkes has on diuerse wise,
And ther-thurgh has diuerse power in goddes seruise.
That seuend betwix man & womman is wedding,
Line 909
ffor remedie of lecherie & childer nurishing.
Thurgh gode & laweful vsyng of any of this seuen
May men wele escheu payn & liȝtly come til heuen.
Grace in this seuen heles man of al gastly sore;
Line 913
And seuen vertues ables him that thou red be-fore. [v. 421 ff.]
Seuen giftes of the haligast helpes ay his dede,
And seuen maner of blis parfourmes his mede.
Line 916
¶ Of the seuen giftes of the haligast.
THe first gift, dred of god, puttes fro man pride mast
& makes him wele-manerd, pouer in hert and tast;
& that are thus meke in hert, & pouer gastly,
Crist blesses thaim alway, & heuen is thaires, treuly.
The second gift is pite, that puttes out enuy
Line 921
& makes man to worschipe god, his fader gastly,
& goddes lawe & his neghbour for goddes awen sake,
& thes gode dedes gode, benigne & myld wil him make;
Thai that has vertuously that ilk myldnes,
Line 925
Ay sal haue lyuyng in mekil blissednes.
The third gift is cunnyng, that puttes away wrath
& mas man to loue godenes, & with wikkednes to wlath,
