Turnes in to flesch & blode thurgh kyndly hete:
Whi may noȝt god then, that al thing made of noȝt
And as haly writ sais many wonder wroȝt,
Line 752
Turne sone in to flesch & blode both brede & wyne,
ffor to be to cristen man gastly medicine?
If thou receyue his flesch & blode worthily,
Thou sal be as [a] quik lym of his body;
Line 756
And if thou kepe the so out of dedly synne,
As a cosyn of his thou sal heuen wynne.
The pask-lambe in the ald lawe that al men suld ete,
And man [i. manna, Hebr. man.] that god send fro heuen til his folk [to] mete,
& blod that was euer offrid for clensyng of synne:
Line 761
Was taken of his sacrament that oure help is ynne.
All the tokens of this sacrament that we ay can fynd
In the old lawe, t[h]rugh trouth of this comes til oure mynd,
Line 764
& all the maruailes that god [wroȝt] ar he man ware
& [comen] [om., or r. boren?] of that clene mayden & modir that him bare.
If man wil with al his myȝt loue this sacrament
& vse hit out of dedly synne ay with gode entent,
Line 768
Nother tunge may wel telle ne hert may wel think
The noble and gastly profit of this mete & drink.
¶ How ihesus is al strenghty.
NOw hast thou herd wele how ihesus is almyȝty;
Here now how he is ouer al other strenghty.
Line 772
This name of ihesus has so gret in him [r. in him so gret] vertu & myȝt
That all in heuen, erth & helle suld til him loute with riȝt;
Oft in this name god mannes prayer spedes
Agayn the fend that hit ful mekil dredes.
Line 776
This name is mirthe in hering, & comfort in siȝt,
Triacle in mouth & in hert, that is of mekil myȝt,
Socour to all synful men, & to seke solace,
To him that is repentant ay ful of grace.
Line 780
The fend was prince of this warld & hade man in prison
Ay til our [lord] ihesu crist hade suffred passion;
Ther was non so hely [= haly] that myȝt in erth dwell
Bot his saule, qwen he died, suld go to hell.
Line 784
Hely men were in merknes ther thai no payn feld,
Bot the fend fro thair ioye agayn thair wil thaim held,
