ffor he myȝt haue made wyne with-outen water broȝt,
Riȝt as he made, when he wald, al the warld a [r. of] noȝt.
Also with fyue loues & only fisches two
He fedde, as we rede, fyue thousand & mo;
Line 716
When thai hade eten ynogh, all that ther were,
Twelf lepes of relef ful away thei bere.
His manhed to thaim all delt bret & fische,
Bot his godhed ther multiplied al this.
Line 720
Ȝit we rede that lazar hade [lain] four dayes in his graue
When ihesu crist fro ded to lyue wald him vp haue;
ffirst he grette & sithen he cryed to laȝar:
That shewed that he was verray man thar;
Line 724
When lazare rose fro the ded & died [r. did] mannes dede,
Then was shewed that in crist was verray godhede.
¶ Of the sacrament of the auter. [This passage is added.]
GOd of all his meruailes made vs a gode mynd
When he wold in forme of brede dwell with mankind.
Line 728
Thurgh the vertue of cristes wordes of the sacrament
That the prest reherces at his messe with gode entent,
Brede in to cristes flesch, & wyne in to his blode, [folio 17]
Sudanly is turned, for mannes gastly fode;
Line 732
Nother brede ne wyne is after sacryng in the messe,
Bot verray goddes flesch & blode, in thair liknes.
Ther is of brede & wyne sauour, colour, & figure,
Lastand thurgh goddes wil agayn cours of nature;
Line 736
But vnder this liknes is non other substance
Bot goddes body & his blode with thair purtenance.
In crist god & man, saul & body, flesch & blode
Are so fast knyt to-geder with kynde & loue gode
Line 740
That whar that is any party of cristes awen body
Ther will god be & thai all verraily.
Ther-for vndir liknes both of wyn & brede
Is verray both god & man that for vs was dede.
Line 744
This is goddes dede, & passes mannes wit—
He has mekel mede that trewly trowes hit.
In this liknes gyues hit vs god, that is so gode,
ffor we wald be escheu of rawe flesch & of blode.
Line 748
Brede & wyne in the stomak taken to mete
