Oure dede may neuer departid be,
ffor all on god in kynde are we thre.
Line 320
All only thou sal take manhede.
Bot all we thre sall do the dede,
Riȝt as two virgyns clethes the third
And ȝit none of thaim bot on is cled.
Line 324
Dere sone, this was oure al thre [r. althre?] purpos & curage
When we made man to oure liknes & ymage;
This hight y to Abraham and to dauid,
And my prophetes acorded ther-with.
Line 328
If mankynd sal out of his prison wynne,
A man mot for him dye that has no-maner synne,
That is of myȝt to ryse fro dede to the lyue,
And his with him out of prison ryue;
Line 332
And siche myȝt ther be neuer non
Bot he were bothe god & man.
Dere sone, if thou wil dye & suffre payne,
Bothe aungel & mankynde may be ful fayne.
Line 336
That souerayne grace and meknes
Sall be so ful of swetnes,
That neuer may man wele haue in his mynnyng
Bot he be sterid to loue the ouer al thing,
Line 340
And titter be reson his hert suld brest
Then he for any thing suld breken thi hest."
¶ Of ysaies prophecies.
Off ihesu crist telles ysay
To all mankynde verrayly:
Line 344
How a child is born til vs,
And a sone is gyuen til vs,
His name sal be callid wonderful,
Counsellour, & god, & strenghtful,
Line 348
ffader of the warld that sal come,
And prince of pece sal be his nome.
¶ Here spake the autour.
Iff any best in shap passed cours of kynde,
A wonder in that wald many man fynde;
Line 352
Bot if a parfit man were a parfit as,
Mikel more meruayl wald man say it was;
