Of all the trees of paradis bi goddis biddyng thei suld ete,
Line 41
But the frut of the tre of wetyng of gode & ille thei suld lete;
What tyme as thei ete of that, thai suld forfet thair heritage
& be oblischid to deth & helle-payne, thai & all thair lynage.
Line 44
Bot, if thai had kepid wel all goddis biddyng,
Thai suld haue leued ioyfully, & all thair ofspring,
Til thai had ben tan til heuen, to fille that fair place
That thurgh pride of lucifer & his feres voyde was;
Line 48
Thare thai suld haue had mor ioye than hert may thenk or tunge telle,
& neuer non of thair kynd suld haue suffride payn of helle.
Of the losyng of the world thurgh synne.
WHen adam & eue sesyn hade in the blis of paradys,
The fende, for he hade that ioye lost, enuy had to thair delice.
Line 52
Then he come in neddir liknesse to eue with a wommans face,
& sayde: "whi bad god ȝe suld noȝt ete of all trees that ther was?"
"Of all the trees," quad eue, "that thar is, we may ete at oure liking,
Out-tan on that is forbod, paraunter for dred of deyng."
Than sayde the fend: "ȝe sall noȝt deye therfore, god wot it wele,
Line 57
Bot as god [r. godis, cf. v. 576.] sall ȝe be, knawand bothe gode & yuell."
Eue sagh that the frut was gode & ful gretly lykand:
Sho tastid sone, & gaf therof till her owen husband.
Adam wolde noȝt greue his wyf, bot sone he ete with hir.
Line 61
Alas, that synne oblisched vs al til wikkid hell-fire!
Sone thai were put fro that place to sorow & to care,
That neuer myȝt no creature recouer it mare.
Line 64
