He is god and lord of myȝtes mast,
The fader and sone and haligast;
In godhed are thise persones thre,
And all are on god in trinite;
Line 8
None is othir of thise persons thre,
Bot alle are on god and ay sal be.
Oure mede is to trowe this with stable thoght,
Al-be-hit that mannes skil proues it noght;
Line 12
Bot when we sal se god clerly,
Than sal we knawe this witerly.
Of the begynnyng of the world.
GOd in vj dayes made bothe erthe & heuen,
And, to make haliday, cessed at the seuen.
Line 16
Heuen was occupid with angeles kynde,
Euermore on god for to haue thair mynde—
Bot many thorgh pride fel in to helle,
Thar sal thei all with-outen ende dwelle.
Line 20
Bothe sunne and mone [mor] briȝt thai ware
Then seuenfold then thay now are,
And all erthli thing more vertuous,
Bi-for Adam thurgh synne was vicious;
Line 24
And ilk a best sul[d] haue bowed to mannes will,
Had he neuer bi way of synne don none ill.
When god had the world so parfit made
That no partie of hit defaut hade,
Line 28
Then of erth he made Adam, of man age,
To his liknes in saule he was & his ymage.
Of a rib of Adam syde, when he lay slepand,
God made Eue, that sho to him suld ay be kepand.
Line 32
Of on god made al man-kynde, for ilkon suld loue other
And non til other do wrong mor then til his brother. [vv. 33-4 added.]
What lyf myȝt mor [r. mor ioyful?] be schewed to man in charite
Then in saule make him lik to the haly trinite,
Line 36
Make him lord of al the world, ful of vertueȝ, & wise,
Make him eir of heuen-blis & sette him in paradis,
Thare he and all that come of him myȝt leue with-outen deyng,
If thay vse the frut of lif & kepe wel godes biddyng.
