The minor poems of the Vernon ms. ... (with a few from the Digby mss. 2 and 86) ...

                                
                                  Hevyn and erthe shull byn aleyde, [Fr. enflambirunt] 
                                
                                  And the foure elementes shull be un|teyede;
                                  Line 1600 
                                
                                  ffor thike fyre shall clansyn the eyre
                                
                                  And makyn all thyng bryȝht and feyre,
                                
                                  And all the world shan (!) i-clansed byn;
                                  Line 1603 
                                
                                  But watur ther shall no mon eft i-syn,
                                
                                  Ne never fyre in the world me syth,
                                
                                  When that fyre shall ben aquenchith.
                                
                                  The fyftenethe day God wol taken
                                
                                  Hevyn and erthe, and all hit newe maken,
                                  Line 1608 
                                
                                  Not otherweys then hem beforen wrowght—
                                
                                  Loke thou thenke ne wylle hit nowght—
                                
                                  But he wole newen hem i-wys
                                  Line 1611 
                                
                                  In bettur state then heo weryn i-wys.
                                
                                  Ther-aftur Ihesu wole his dome demyn.
                                
                                  The angeles shulle come and blowe the bemyn.
                                
                                  ffurst shull in body and soule aryse
                                
                                  Alle that dyedyn in his servise,
                                
                                  And all that eke that shull to the blysse fonde
                                  Line 1617 
                                
                                  Shul furst aryse and on the ryȝht syde stonde.
                                
                                   [In Fr. 1619-46 follow after 1522.] Then shall Ihesu come ryȝht this,
                                
                                  And his body tornen and showe to us
                                
                                  What peyne he suffred for ur sake
                                  Line 1621 
                                
                                  And how lodlyche he was for us i-take,
                                
                                  Wyth scorges i-betyn withoute gryth,
                                
                                  That the blode barst oute on icha lyth,
                                
                                  And how vylensli he wes ladde ȝet,
                                
                                  With crowne of thornes on his hed set,
                                
                                  And how he suffred that the nayles stode
                                  Line 1627 
                                
                                  Thorgh fete and honden into the rode,
                                
                                  And how the spere that him wonded smerte
                                
                                  Browght blod and watur from his hert;
                                
                                  And then Cryst woll clepe and calle
                                
                                  And sey: 'thus myche I suffre[d] for ȝow alle.'
                                  Line 1632 
                                
                                  Then helpeth ther no pledyng there,
                                
                                  Ne forsakyng, ny answere;
                                
                                  Ne helpyth us ther castell ne toure,
                                
                                  Nowther palyse, halle, ne boure;
                                  Line 1636 
                                
                                  All thyng then shall torne to nowght
                                
                                  That is with monis hond i-wrowght.
                                
                                  Ther shull the synfull quake
                                
                                  And here tethe togedur hacke and shake.
                                  Line 1640 
                                
                                  Ther may segge thenne no mon
                                
                                  But that uchon shull seyn here mar|tyrdom,
                                
                                  And beforyn hym his iuggement sycorly
                                
                                  Shall byn i-wryten apertely, [al. Fr.] 
                                  Line 1644 
                                
                                  And allso his synnes ther shull be knowe
                                
                                  Tofore alle maner men bothe hie and lowe. [In Fr. here follow 1651-6, 1597-1618.] 
                                
                                  Then woll swete Ihesu to hem be-syn
                                
                                  That shull that day i-saved byn,
                                  Line 1648 
                                
                                  And sey with mylde stevyn and swete:
                                
                                  "When I was hongry ȝe ȝeve me mete,
                                
                                  When I was afurst ȝe ȝeve me dryng,
                                
                                  When I was nake ȝe ȝeve me clothyng,
                                
                                  When I was herberlasse ȝe herberde me fayne,
                                  Line 1653 
                                
                                  Bothe in heete, in cold, in wynde and rayne,
                                
                                  And ȝe comforted me in prison eke,
                                
                                  And loked to me when I was seke:
                                
                                  Comyth, my blessed children uchon,
                                
                                  And receyvyth the blysfull ioy anon
                                
                                  That to ȝow byth rewarded withoutyn endenge
                                
                                  ffro this worldis begynnyng."
                                  Line 1660 
                                
                                  Then shulle the blessed byn receyved [r. reysed, Fr. raui]  an hyȝhe
                                
                                  In hevyn to walke Ihesu nyȝhe.
                                
                                  And the cursede shull in erthe byn,
                                
                                  Of hevyn-blys they shull no-thyng i|syn,
                                  Line 1664 
                                
                                  But ȝet wyth the up-receyveng [r. reysyng, Fr. rauissement]  they shulle agryse
                                
                                  When the saved shull upryse,
                                
                                  So wery, so wrecched, so lodlyche,
                                
                                  I-charged with synne so hevyleche,
                                
                                  That all hevyli on the erthe they shull steke,
                                  Line 1669 
                                
                                  When [r. O þat? Fr. Deske]  thei heryn the domesmonis speke.
                                
                                  Wyth gret and grymfull wrathe full sone
                                
                                  Thei shull heryn a full hard dome:
                                
                                  "Goth with the develys and accurssed bestes,
                                  Line 1673 
                                
                                  ffor ȝe heded not my lawes and my hestes,
                                
                                  Into the fure that shall last for euere;
                                
                                  ffor ȝe han disserved here non other!" [Fr. 4 vv. more.] 
                                
                                  The blessed shull blysfull gon
                                
                                  In bodi and soule everichon,
                                  Line 1678 
                                
                                  As bryȝht as ys the sonne, withoute fayle;
                                
                                  Never hem nedeth to have travayle,
                                
                                  But ioy and blys that shall laste ever|more.
                                
                                  In good tyme the[i] were i-bore
                                  Line 1682 
                                
                                  That to that feste mowe takyn
                                
                                  That God wole with hem in hevyn makyn!
                                
                                  So myche ioy shall byn at theke feste,
                                
                                  That ever withouten ende shall leste:
                                
                                  ȝe, more ioy then hert may thenkyn,

Pages

Index

About this Item

Title: The minor poems of the Vernon ms. ... (with a few from the Digby mss. 2 and 86) ...
Canvas: Page 411
Publication: London,: Pub. by K. Paul, Trench, Trübner & Co., for the Early English Text Society,; 1892-1901.
Subject terms: English poetry

Technical Details

Collection: Corpus of Middle English Prose and Verse
Link to this Item: https://name.umdl.umich.edu/ape7335.0001.001
Link to this scan: https://quod.lib.umich.edu/c/cme/ape7335.0001.001/475:2.38.2

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:ape7335.0001.001

Cite this Item

Full citation: "The minor poems of the Vernon ms. ... (with a few from the Digby mss. 2 and 86) ..." In the digital collection Corpus of Middle English Prose and Verse. https://name.umdl.umich.edu/ape7335.0001.001. University of Michigan Library Digital Collections. Accessed May 8, 2025.

The minor poems of the Vernon ms. ... (with a few from the Digby mss. 2 and 86) ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item