Instead of the last vv. in MS. Vernon, H. has the following further passage explaining how Jesus is prince of peace: [This passage is found in the French text, except the 15 tokens, which were added in the Engl. translation, the 2 last (vv. 1597-1612) being, however, adapted from a passage in the Fr., where vv. 1619-46 precede v. 1597.]
Lusteneth ȝet forther of Ysayes spelle,
ffor now ȝe han herd me telle
How swete Ihesu oure fadur wes:
Herkenyth how he is now Prince of Pes.
Line 1516
Beforen I tolde ȝow uchon
How he is into hevyn i-gon:
Ryȝht so, the sothe truly to syggen,
He shalle aȝeyn come this world to iuggen,
In bodi and soule and Godhede,
Line 1521
To deme bothe queke and dede.
[vv. 1523-96 added to the Fr.] But fyftene dayes before the dome
ffyftene tokyns ther shull come.
Line 1524
The furst day the see up ryse shall
And stonden on hye as a wall,
ffourti cupetys herre i-wys
Then eny hill in the world is.
Line 1528
That other day heo wole i-sonkyn byn,
That eny mon unnethe may here i-syn.
The thrid day heo woll be notheles
As full as heo furst wes,
Line 1532
And then woll whalles and grete fysshes with fynne
And all other smale fysshes that byn ther-inne
Gedryn hem on the watur uchone;
But that wot no mon but God allone
What is the betokenyng
Line 1537
Of the loude cry and ȝeiyng
Thet heo wolleth with loude stevyn
ȝevyn and crye up to hevyn.
Line 1540
And on the fourthe day heo shall
With red fyre brennen alle,
And alle other watrys in every stede
Shullen brenne as red as eny glede.
The fyfthe day the tren that don stonde
And floures and erbis in uche londe,
Blod thei shullen blede
Line 1547
In stede of here dewe, withoute drede.
The sixte day byth not bold
Palyse ne pylere ne no strong-hold,
Castell, toure, boure ne halle,
But thei shulle to-skatur and down|falle.
Line 1552
The sevynth day the stones uchon
Wolle lepe to-gedre and fyȝht anon,
That thorwgh the fyȝht that there woll byn
Line 1555
The stones woll breke and all to-flyn.
The eyȝhte day betokynth gret wrache,
All ȝende the world the erthe shall quake,
Line 1558
And men wolle flyn into uche hurne,
The erthequake shall be so loude and sturne;
And on thylke dredfull byttur day [vv. 1561-6 taken from the Fr.]
The pepull woll crye weloway,
Line 1562
And sey to monteynes: 'falleth on us!
Erthe to-clyf and hyde us,
That we this fere and erthequake ne syn,
Line 1565
How wroth oure creature woll byn.'
ffor in alle hye hevyn-blys
Non so holi ne so good is,
Line 1568
Patryarch, apostelle, ne martire,
Confessor, ne virgine with so feyre attyre,
Prynce, potestate, ne angell,
Ne non so bryȝht archangelle,
Line 1572
That nold never synne done,
But he shall dredyn aȝeyne that dome;
ffulle sore mowe heo then dreden
That byth alle full of synfull deden!
The nynthe day alle the valeis that byth,
Line 1577
And the hylles that we so hye syth,
Shull be made smethe and playn,
And into here kynde shull they not turne aȝeyn.
Line 1580
The tenthe day shull all manere men
Gon out of here holes and of here den,
And renne abowte as they were wod,
As they cowthen nowther evyll ne good,
Line 1584
Ne thawgh here hert shulde to-breke,
On word myȝht not oon with other speke.
The elevynth day the mone and the sterres alle
Shulle adown to erthe falle.
Line 1588
The twelfthe day the bones of uche ded mon
Shull come togedre uchon,
Line 1590
Thawgh they be dryvyn nere so wyde,
At here byrynes [From A.-S. byrgen] here soules they shull abyde.
The threttenyth day all maner men
Shull dyen anoon that lyven then,
That heo mowe togedre with other aryse
Line 1595
And takyn here dome of God ryȝht|wyse.
The fourteneth day, ther may no thyng werne, [In Fr., 1597-1618 follow after 1646.]
But alle the world on fyre shall berne,
