Þe soules criȝed euerichon:
"Blesset beo þou, lord, sone of mon,
Lord and God of Dauid kuynde!
Þis rest bi þe haue we in Muynde."—
Line 336
Þerfore, whos halweþ wel þe sonenday,
He schal ha part of þe reste ay
Þat þe Angeles in heuene
Han þere wiþ mylde steuene.
Line 340
Beo war of þe serwe and drede
And of þe peynes þat we her rede,
And torne we in alle wyse
Vr lord to serue, þat hiȝe Iustise;
Line 344
Bi wȝuche seruyse we may come
To vre lord god and wiþ him wone.
XXXIV. þe Pope trental. [Ed. before in Engl. Stud. VIII, p. 275. The poem occurs again in the same MS. Vern. fol. CCCIII (V2); other MSS. are Cott. Cal. A II (15th cent.), ed. by Furnivall, Pol., Rel. and Love Poems, London 1866, and MS. Lamb. 306; from these MSS. A. Kauf|mann has tried to give a critical text, based chiefly on MS. Cott., and retaining its spell|ing (Erlanger Beiträge 3, 1889). A different version is extant in MS. Edinb. Adv. Libr. 19, 3, 1, ed. by Turnbull, The Visions of Tundale, Edinb. 1843, and MS. Cambr. Univ. Libr. KK 1, 6, ed. by Kaufmann 1. c., which MSS. again differ greatly.]
I-writen I fynde a good stori, [Title in V2: here bygunnet þe guldene trental þat ouȝte be loued swyþe wel.]
Þe Pope hit wrot seint Gregori, [The name here, and v. 31, is a later introduction to the poem (cf. MS. Cott.). (Gregory is said to have instituted the Trental.)]
Of his Modur and of hire lyf,
Þat alle men heolden an holi hosewyf,
So sad [V2 good] of Maner, so mylde of Mood,
Þat alle men heolden hire holi and good;
De-boner, deuout, so milde of steuene,
Þat alle men gesset [V2 gessed 8] hire worþi to heuene.
