Aftur þat þis was forþ so sent,
In-wiþ þe space of a moment,
Aungeles of heuene saiȝ he come þon,
Brouhten þe soule of a Rihtful mon.
Line 256
Þer was Ioye wiþ loud steuene,
ffor so þei beeren hit in to heuene;
Of a þousund Angeles he herde þe vois,
Ioynge wiþ a semely noys,
Line 260
And seiden: "murie soule, blesset þou be,
ffor euer murþe schal beo wiþ þe!
Þou art i-blesset of God in trone:
Þe wille of Ihesu hastou done."
Line 264
ÞEn seide þe Angeles in heore seiȝing:
"Ledeþ hym vp to-foren vr kyng!
Glad may he ben of alle clerkes
Þat schal him-self rede his goode werkes."
Line 268
Aftur þat Mihel lede him in hiȝ
To paradys to oþur holi.
A Ioyful noyse was hem among
Of Angeles and Archangeles wiþ song.
Line 272
ÞEi þat in peyne bi-neþen lyȝe,
Herden þis and al hit seiȝe;
Þei ȝelleden wiþ lodly cry:
"Poul, Michael, on vs ha merci!
Line 276
Prei for vs wiþ good a-cord
To vre god and to vre lord!"
ÞEn seide þe Angel to hem þo:
"Weputh! poul and I wolen also,
Line 280
Þat Almihti God, þat may best,
Send ȝow sum refuit and sum rest."
And þeose þat in peyne weore
Cried on God wiþ delful beere;
Line 284
Michael and poul also,
And a Legioun of Aungelus mo.
Þe soun of hem was herd ful euene
Vp in to þe ffeorþe heuene,
Line 288
Seiȝinge "haue merci on hem,
Þe Sone of God and eke of mon."
And þenne þei þe heuene seih
Open a-non ful sodeynly,
Line 292
