Or in eny oþur trauayle,
Þe sacrament wol vs a-vayle;
Hit wol delyuere vs out of peyn,
Ȝif vr trouþe beo certeyn.
Line 620
And þat was wel schewed in dede
In Engelonde, so seiþ seint Bede:
In his Bokes writen hit is,
A feir Miracle of þe Mes:
Line 624
(5.) Aarracio Bede. [Cf. Hist. Eccl. IV. c. 22.]
Þat [F. What] tyme seint Bede was liuonde, [man lyuande]
Weore Mony kynges in þis londe.
Bi-twene two was gret Batayle—
Þerfore i telle þis Meruayle;
Line 628
Þat on hiht Edfride, of North Cuntre,
Þat oþur of lindeseye was he.
Edfride hedde gret seygneri,
Seynt Andreu hosbonde of hely. [F. Audre]
Line 632
Þis Batayle was bi boþe heore a-sent
Bi-sydes a watur men calleþ Trent.
Sire Elfride [r. Edfrides] broþur hette Eleswynne, [F. Elfwynne]
He was slayn þat Batayle Inne;
Line 636
On boþe partys ne was non
So feir a kniht of fflesch and bon,
Ne non so douhti was of Armes—
Þerfore seint Bede pleynede his harmes.
Line 640
A-noþur kniht was [F. also was] feld doun
Nerhonde ded, and fel in swoun;
Þe nome of þis ȝonge kniht
Ruyna, [F. Iumna] seiþ seint Bede, he hiht.
Line 644
Whon þis Ruyna hedde long leyn,
He keuerde, and seet vp aȝeyn,
And stopped his woundes þei schulde not blede,
And, as he mihte, þennes he ȝede,
Line 648
To seche him help sumwher to haue,
Of [F. Or] frendes fynde him to saue.
As he wente wiþ muchel drede,
He was taken wiþ kyng Coldrede; [F. Eldrede]
Line 652
And brouht him [F. vn-] to a lordyng,
An Erl, þat heold of þe kyng.
