Riht to [F. Hyt ys to] heore Dampnaciun,
And þerfore vengaunce schal be don.
And here I schal telle a tale
Hou hit is to þat mon Bale:
Line 268
2. Aarracio presbiteri parochialis. [MS. Simeon: Quod propter peccatum occultum communio non debet negari.]
A Parisch-prest was in a Toun,
Of ful gret discrecioun,
fful good and rihtful he was,
And god sende hym of his gras: [al. F.: Dyscrecyun a ryȝt wyt ys On boþe partys ryȝtly to ges.]
Line 272
Of his parischens he vndurstode
Whuche wer vuel and wȝuche wer gode.
Two he hedde forte gete
Þat nolde neuere synne lete.
Line 276
And hit felde [= fell] on an Asterne,
Þat þe prest scholde non hosul werne
But hit were for þe gretur synne,
Inobedience or Corsyng Inne: [F. As yn cursyng or yn vnbuxyme]
Line 280
Þis prest was in ful gret þouht
Wher he schulde hosele hem or nouht.
He preyede to God, heuene-kyng,
Þat he wolde sende him tokenyng
Line 284
Wheþer he scholde hem hosul [om. in F.] forbede;
To ȝiue hit [F. To housel] hem he hedde gret drede.
ffrom god he hedde þis onswere:
Þat vch on scholde heor oune charge bere,
Line 288
And þat he scholde werne hit none
But ȝiue hit forþ to euerichone;
"Do as Ihesu dude in dede,
And þou schalt no mon hit forbede,
Line 292
No more þen he dude Iudas
Þat hedde I-don a gret trespas;
Ihesu ȝaf alle wiþ mylde mood,
Whon Bred was turned to flesch and blod.
Line 296
ffor summe þat hit take hit schal hem saue,
And summe þerfore peyne schal haue;
Aftur þey aren of synne clene,
Also schal hit on hem beo sene."
Line 300
