The minor poems of the Vernon ms. ... (with a few from the Digby mss. 2 and 86) ...

[I.]

Swete Ihesu, now wol I synge [folio CCXCVII] To þe a song of loue longinge: Do in myn herte a welle springe Þe to louen ouer alle þinge. Line 4

[v. 5-60 occurs as a separate poem in Harl. 2253 (ed. Wright).] Swete Ihesu, kyng of blisse, Min herte loue, Min herte lisse: In loue, lord, þou me wisse, And let me neuere þi loue misse. [7-8 H Þou art suete myd-y-wisse Wo is him þat þe shal misse.] Line 8

Swete Ihesu, myn herte liht, Þow art day wiþ-oute niht: Ȝiue me boþe Grace and [H Þou ȝeve me streinþe & eke m.] miht ffor to loue [H louien] þe ariht. Line 12

Swete Ihesu, my soule [H huerte] bote, In myn herte þou sette [H sete] a Roote Of þi loue þat is so swote, And weete hit [H Ant lene] þat hit springe mote! Line 16

Swete Ihesu, myn herte gleem, Brihtore þen þe sonne Beem: As þou weore boren [H Ybore þou were] In Bethleem, Þou make in me þi loue-dreem. [H Þou m. me here þi suete d.] Line 20

Swete Ihesu, þi loue is swete— Wo is him þat hit [H þe] schal leete! Ȝif me grace for to wepe ffor my synnes teres wete. [23-4 H Þarefore me shulden ofte þe grete Wiþ salte teres & eȝe wepe.] Line 24

Line 24

Swete Ihesu, kyng of londe, Mak þou me to vnderstonde, [H Þou make me fer v.] Þat I may In myn herte fonde [H Þat min herte mote f.] Hou swete is [H bueþ] þi loue-bonde. Line 28

Swete Ihesu, me reweþ sore Of my misdedes I haue don ȝore: ffor-ȝif me, lord, I wol no more, But I þe aske Milce and ore. Line 32

Swete Ihesu, Lord [H louerd] myn, Mi lyf, my soule is al [H myn huerte al is] þin: Vndo myn herte and liȝte [H liht] þerin, And saue [H wite] me from wikked [H fendes] engyn. Line 36

[In H precede 45-8, then follows: Suete ihesu, me reoweþ sore, Gultes þat y ha wroþt ȝore, Þarefore y bidde þin mylse & ore, Merci, lord, ynul na more.] Swete Ihesu, lord good, ffor me þou scheddest þi blessed blod [H Þou me bohtest wiþ þi blod] — Out of þin herte hit com [H orn; hit, om. in H.] þe flod— Þi Moder hit sauȝ wiþ druyri mod [H seh þat þe by stod] : Line 40

Swete Ihesu, Briht and Schene, Heere me, lord, for I me mene, [H Y preye þe þou here my bene] Þorw preyere of Marie, Milde qweene, [Þourh erndyng of þe heuene-q.] Þat þi loue on me be sene. [H Þat my bone be nou sene.] Line 44

Swete Ihesu, Mi soule foode, Alle werkes of þe ben goode; [H Þin werkes bueþ bo suete & gode] Þou bouȝtest me vppon þe Rode And scheddest þeron þi swete blode. [H For me þou sheddest þi blode] Line 48

Swete Ihesu, Barn [H berne] Best, Þi loue þou in myn herte fest; [H Wiþ [þe] ich hope habbe rest] Whon I go North, Souþ, Est or West, [H Wheþer y be souþ oþer west] In þe al-one fynde I rest. [Þe help of þe be me nest] Line 52

Swete Ihesu, wel may him be Þat þe schal [H may] in þi [om. in H] blisse se! Wiþ loue-cordes drauȝ þou me, Þat I may comen and wone wiþ þe. [55-6 H: After mi soule let aungles te, For me ne gladieþ gome ne gle.] Line 56

Line 56

Swete Ihesu, heuene-kyng, ffeir and best ouer [H of] alle þing: Bring me in to þat loue-longyng [H Þou bring me of þis longing] To [H &] come to þe at myn endyng. [H adds: Suete ihesu, al folkes reed, Graunte ous er we buen ded, Þe vnderfonge in fourme of bred, Ant seþþe to heouene þou vs led.] Line 60