Þat to his blisse he take vs to
Þat is and schal ben euer-mo. Amen.
Line 80
IX. [Of an incontinent monk, þat was drouned, and rered aȝeyn by vre lady to lyf.]
A Sexteyn was in an Abbey
Of þe Ordre of Monkes grey,
Þat louede to worschipe vr ladi;
But fallen he was In lecheri.
Line 4
Whon his Breþren were to bedde i-gon,
He wolde gon as stille as ston
Out of Cloystre on his wilde-hede,
fforte parfourne his misdede.
Line 8
Þauh he hiȝed faste for his Corage,
Euere he wolde grete þe ymage
Þat in þe chirche was mad of vre ladi,
As ofte as he passed hit by.
Line 12
Hit bi-fel vppon a niht,
To his walk he hedde hym diht,
Bi þat ymage passed he
And grette hit wiþ an Aue.
Line 16
Vnder þe Abbeye a water Ron,
Þer-ouer was a Brugge of ston:
Ouer þat Brugge lay his pas.
But him bi-fel a wondur cas:
Line 20
As a mon þat hedde ben a-teynt
He fel a-doun and was I-dreynt.
Þer comen ffendes fers and felle
To fecche his soule in to helle.
Line 24
A Cumpaygnye of Angeles swete
Þorw Godus pite dude wiþ him [r. hem?] mete,
Ȝif þei mihte þorw godus gras
Helpe þe soule of sum solas.
Line 28
Þe ffendes criȝeden sone anon:
"Ȝe wiþ þis soule haue nouȝt to don,
He is Iugget wiþ vs to gon
ffor þe Misdedes þat he haþ don."
Line 32
Þe Angeles al astoneyet were,
ffor þei mihte schewe no good werk þere
Wherfore þei mihte him calange
