He caste him þerfore to borwe.
To þe Ieuh he wente a-Morwe;
Þer he told him his Mischeef
And preiede hym of sum Releef,
Line 20
Of his Gold him for to lene,
And þus to hym he gon hym mene.
Þe Ieuh onswerde wiþ gret honour:
"Loke hou þou maiht make me seur
Line 24
Me to paye at certeyn day,
And þe to helpe I schal assay."
Theodorus seide: "icham be-hynde,
ffor me þer wol no Mon hym bynde;
Line 28
He þat sum-tyme was my fere
Me passeþ bi wiþ-outen chere.
But ȝif þou dorstest be so hardi
To take vr ladi seinte Mari
Line 32
ffor my Borw, be Mi ffay,
I schulde þe pay wel at þi day."
Þe Ieuh seide: "my goode feere,
I graunte þe, sire, þi preyere,
Line 36
ffor I haue herd ofte-siþe
Þat ladi is Corteis and Bliþe,
Men seiþ heo wol hem neuer fayle
Þat in hire seruise wol trauayle.
Line 40
Þerfore go we in to ȝour chirche,
And þer þis forward we wol worche;
Þer is an ymage of hire iliche,
A-Rayed wel wiþ Iuweles Riche:
Line 44
Tac þou hire me þer bi þe hond!
Of þe kep i non oþur bond."
Whon he hed seid, þei gonne to gon.
To þat churche þei comen anon.
Line 48
Theodorus In good Manere
Kneled a-doun, bad his preyere,
And aftur þat wiþ good visage
Went hym vp to þat ymage,
Line 52
And tok hit bi þat on hond,
And bad þe Ieuh scholde to him fond,
And seide: "sire, so god me saue,
ffor my Borwh þis ladi haue,
Line 56
