Raynbowrn was a yoyfull man,
Þat he had wonne Amys þan.
Then belyve wythowten mare
To þe castell can þey fare.
Line 11584
When þey were comyn to þe halle,
Glade and blyþe were they all.
The lady was glad and blythe
And thankyd god oftesythe,
Line 11588
That sche sawe hur lorde so dere
Comyn home boþe hoole and fere; [MS. sere.]
For sche wende sekurlye
Neuyr to haue seyn hym wyth eye.
Line 11592
Also Harrowde, þe gode knyght,
Full faste he thankyd god almyȝt,
That Raynbowrn þorow godys grace
Passyd so well þat ylke place,
Line 11596
And also for Amys sake:
Full grete yoye can þey make.
¶ Then he tolde Amys, how longe
The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...
About this Item
- Title
- The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...
- Publication
- London,: Pub. for the Early English Text Society, by N. Trübner & Co.,
- 1875-6.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Link to this Item
-
http://name.umdl.umich.edu/ANZ4364.0001.001
- Cite this Item
-
"The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ..." In the digital collection Corpus of Middle English Prose and Verse. https://name.umdl.umich.edu/ANZ4364.0001.001. University of Michigan Library Digital Collections. Accessed June 7, 2025.
Pages
Page 334
He had bene in preson stronge
Line 11600
And suffurde peyne and vylene
For hys lordys sone so free,
And how he was syr Reynbowrn,
That delyuyrde hym of pryson;
Line 11604
And seþyn he tolde hym all hys lyfe,
How he had be in grete stryfe,
And how þat Gye sethyn longe whyle
Was wente in exsyle.
Line 11608
Betwene þem was yoye and gamyn
That tyme, þat þey were all samyn.
¶ Wyth that þer come a knyght prekande
And broȝt þem full gode tythande,
Line 11612
That Barrarde was broȝt to grownde:
A pylgryme hym slewe in þat stownde
And defendyd erle Tyrry, [folio 237a:1]
But no man wyste, sekurly,
Line 11616
Fro whens he come ne fro what cuntre,
Nor wyste no man, what he myght be.
And at mony a man there
The emperowre dud enquere:
Line 11620
'Yf Amys myȝt foundyn bee,
All hys londe he schall haue free.'
When Amys herde, þe dewke was slayne,
He was neuer afore halfe so fayne.
Line 11624
He thankyd god in trynyte,
That he myght so venged bee.
All, that euer were there dwellyng,
Had yoye of that tythynge.
Line 11628
¶ Harrowde and Reynbowrn dwellyd þare
Thre dayes and no mare.
Erly on the fowrthe day
They toke þer leue and wolde away;
Line 11632
And the erle dud also:
Home to hys londys wolde he goo
And preyed them for charyte
