The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...

Now wendyþ Gye hys wey ryght: Ofte he þankyþ god almyght Line 10476 Of hys worschyp and of hys sonde, That he hym sente in mony a londe. So longe wente he hys jurne, That he came to that cyte, Line 10480 Whereof he lorde clepyd ys, And of no man ys perceyued ywys. To the castell gate he came: That hym knewe, was þere no man. Line 10484 Amonge þe pore men he hym dudde: Grete sorowe toke he in the stedde. The curtes [cowntas?] Felyce was there thoo: xii pore men sche fedde and moo Line 10488 Euery day by and bye, That god schulde saue hur lorde Gye, Wyth soche drynke and soche mete, As sche hurselfe was wonte to ete. Line 10492 ¶ Hyt was at the none tyde: The lady wolde no lenger abyde, Sche set hur downe to hur mete, And wyth hur sett knyghtys grete. Line 10496

Line 10496 And the pore men forthe were fett: Before the lady they were sett. Gye was oon of the twelue: Ouermaste he sate be hymselue. Line 10500 The cowntas behelde hym, sekurlye, For he was so sekelye, And deuysed hym well also: [folio 229a:1] So dud odur, wythowten noo. Line 10504 On Guy sche þoght þen, hur gode lorde, And to a squyere þere sche spake þys worde: 'Go bere þys,' sche seyde, 'to þat pylgryme, That ȝondur syttyth in a slauyn. Line 10508 Of bredde and wyne and mete plente, Of þe beste þat he haue, y charge þe.' To parforme hur wylle he not forsoke And the pylgryme fayre he toke. Line 10512 The cowntas hym bad, soþely to say, Thedur for to come euery day: Inogh he schulde haue of wyne and brede. Sythen all gates sche hym bede Line 10516 And, that he schulde aftur mete Speke wyth hur and not forgete. And he seyde: 'lady,' full lowlye, 'Syþen ye comawnde [Another me before comawnde in MS.] me, full blyþely.' Line 10520 ¶ When þat þey had eton all And þe bordys let downe falle, The pylgryme þen, þedur he came, Owt of that towne hys wey he name. Line 10524 Besydes Warwykk go he can To an ermyte, þat he knewe or þan. On a ryuere syde hys hows he hadde (A full holy lyfe he there ladde) Line 10528 Besydes Warwyke, þat was hys, That Gybbeclyf clepyd ys. But þe hermyte þen dedde wes: [MS. was.]

No man leuyng þere nas, dredeles; Line 10532 And Gye hym beþoght anon, That fro þens wolde he neuer gone: Thens on lyue neuyr he go nolde, But serue god þere he wolde. Line 10536 ¶ The cowntas seyde then aftur mete: 'Where ys þe pylgryme? ys he forgete?' Then seyde a knyght, þat was full hende: [folio 229a:2] 'Owte of þe towne y sawe hym wende.' Line 10540 Then soght he was in a lytull stownde, But nowhere he myght be fownde. In the hermytage Gye ys leuynge And þere he leuyth at hys lykynge Line 10544 A preest he knewe þere nygh þat stude, That goddys seruyse to hym þere dudde. All hys lyfe he tolde hym thoo, And he assoyled hym also. Line 10548 A full holy lyfe he ledde there: Goddys seruyse forgate he nere. ¶ On Gye a sykenes now ys befall, So wyll, for soþe, vpon vs all. Line 10552 Vpon a nyght a slepe hym nam: Now herkenyþ, what on hym bycame. Goddys aungell þere to hym can go. Apertely to hym he spake tho: Line 10556 'Guyown, Guyown, slepest þou now?' 'Nay,' he seyde, 'why, who art thou?' 'Y am Crystys own messangere, Seynt Myghell, þat þou seyst here. Line 10560 Fro my lorde Iesu y am comen to þe, And he þe greteth wele be me. Schryve þe clene: ryght, as y þe seye, Thys day viii dayes þou schalt dye.' Line 10564 And Gye awaketh anon ryght: He sawe þe angell feyre and bryght. Sythen he seyde: 'speke wyth me,

Goddys frende, now prey y the. Line 10568 Where schall my sone be and my wyfe bo?' 'In paradyse þey schull be,' he seyde þo. Hastyly aftur hur þou sende And bydde hur, þat sche to þe wende. Line 10572 The xl. day hereaftur, syr Gye, [folio 229b:1] Sche schall be wyth owre lady.' And Gye seyde then wyth herte fre: 'As god wold, so mote hyt bee.' Line 10576