The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...

Speke we now of dewke Oton And of þe knyȝt, syr Gyown. The dewke let make þen a crye, Þat all men to þe brydale be redye, Line 6072 All, that were in Lumbardye And in the cyte of Payuye. The dewke was a yoyfull man, That þe terme was comyn than. Line 6076 Comen he ys to that maye Wyth grete game þat ylke day. 'Lemman dere, dyght þe: To day schalt þou weddyd bee.' Line 6080 'Syr,' sche seyde, wyth glade [e of glade gone (worm-hole).] chere, 'All thy wylle y wyll do here.' Sche greythed hur nobull well To plese þe dewke þat day, as y yow telle. Line 6084 Sche lepe on a palfray, To the churche sche toke þe way Thorow þe cyte and the towne: Wyth hur wente dewke Oton. Line 6088 He wened to haue wedde wyth yoye þat maye: Sorowe to hym came þat ylke day. ¶ Gye hym armed tho in stele: He had armer at hys wylle. Line 6092 Forthe he wente, þe dewke Oton: That mayde þey had in þer bandown. [See the note.] Gye hys stede sone bestrode And owte of þe castell faste he rode. Line 6096 Faste he prekyd þorow þe towne And ouyrtoke þe dewke Oton. 'Dewke, stonde þou stylle thare:

Y comawnde þe, þou store no mare. Line 6100 Thynkyst þou not of that treson, [folio 200a:2] That thou dydyst to syr Gyon At the pase, there we went? At þat tyme my men were schente. Line 6104 Therwyth woldyst þou not holde the, But wythynne these monythys thre Thou dydyst me a vylanye, When þou betraydest syr Tyrrye. Line 6108 Thys ys Gye, that thou seyst here: Thou schalt abye, be seynt Rogere.' ¶ He breyde owt hys gode bronde And helde hyt nakyd in hys honde. Line 6112 The dewke he smote vpon the hode, That to the gyrdylstede hyt wode. 'Syrs,' quod Gye, 'be my lewte, Yf any starte owte aftur me, Line 6116 Sone schall he lese hys hedde;' And wyth þat mayde awey he yede. He set hur on hys hors hym bye And rode awey full hastelye. Line 6120 ¶ All they folowed tho syr Gye And þorow þe cyte rose grete crye. Fro þem all he paste awey: Ther came none hym nere þat ylke day, Line 6124 But a man of grete renowne, That was cosyn to dewke Oton. He was bolde, Barrarde he hyght: He rode on a stede lyght. Line 6128 He folowde Gye thorow þe londe Wyth a spere in hys honde. When he had folowed hym v myle, 'Gye,' he seyde, 'abyde a whyle. Line 6132 For hys loue, that dyed on tree, Oon tyme thou juste wyth me.' ¶ Gye hym turned þat ylke stownde

And set þe mayde to þe grownde. Line 6136 He toke hys spere and hys schelde And he hyt brake: Gye hyt felde. [MS. feledde.] Gye had wondyr of that dynte [folio 200b:1] And turned ageyne, or he wolde stynte, Line 6140 And wyth hys spere he smote Barrarde On hys schelde, þat was so harde, Thorow all hys armour a wyde wounde, That hys stede and he felle to grounde. Line 6144 Barrarde starte vp full tyte And drewe hys swyrde wyth dyspyte And smote þe stedys rugge in two And bad, þe deuell schoulde hym sloo, Line 6148 When he myȝt not on fote stonde For a dynte of a knyghtys honde. He seyde: 'Gye, adowne lyght A whyle wyth me for to fyght. Line 6152 Hyt schall be seyne þys ylke day, Who schall bere the pryce away. The grace of god be me reuyd, But y smyte of thy heuydde.' [MS. hedde.] Line 6156 'My frende,' seyde Gye, 'let be þy fare: I wyll fyght wyth the no mare. We may come, wythowte fayle, In better tyme to batayle.' Line 6160 ¶ On hys hors Gye toke þe way And passyd forþe that ylke day. Barrarde wente to hys cuntre Ageyne vnto that feyre cyte. Line 6164 They broȝt þe dewke to chyrche in hye And beryed hym wele rychelye. Barrarde to þe emperowre ys gone And tolde, how þe dewke was slone. Line 6168 He gaue to hym all hys senyorye: That was the dewche of Payuye.

He gaue hym armes at hys wylle And all, þat he wolde aske wyth skylle. Line 6172 He made hym steward of Almayne: Therof was many a man fayne. ¶ And Gye went wyth that mayde trewe: Then beganne hur sorowe to newe. Line 6176 'Syr Gye,' sche seyde, 'how schall y fare? [folio 200b:2] Schall y neuyr see Tyrrye mare? Wele y wot, he schall be dedde, Yf he be lefte wythynne þat stedde. Line 6180 I wolde be there ageyn full ȝare: Then had y yoye wythowten care.' 'Be stylle,' quod Gye, 'for, be my hode, Tyrrye schall eyle noþyng, but gode. Line 6184 Y spake wyth the geylere, That he schulde hym kepe on feyre maner.' ¶ So longe had they redyn on faste, They came to þe cyte at þe laste, Line 6188 On the mowntayn þere hyt stode, Thedur he sende Tyrrye the gode. To the cyte when þey came, To þe halle þe wey þey name. Line 6192 Ames sawe Gye and knewe hym well. 'Welcome,' he seyde, 'be seynt Mychell.' When Tyrrye [e in Tyrrye and h in hym gone (worm-hole).] sawe Gye þe wyght And wyth hym [e in Tyrrye and h in hym gone (worm-hole).] þat mayde so bryght, Line 6196 To the mayde can Tyrrye goo And toke hur in hys armes twoo And kyste hur there anon. 'Welcome,' he seyde, 'my dere lemmon.' Line 6200 Aftur he went vnto syr Gye And kyste hym there, sekurlye. 'Welcome,' he seyde, 'for sothe, ye bee And wyth yow my lemman free. Line 6204 That ye be comyn to thys place,

Thankyd be god of hys grace. I prey to god in trynyte, Let vs neuer efte departyd bee.' Line 6208 ¶ Now be þey all comen same: There was moche yoye and game. When þat mayde sawe Tyrrye, That sche louyd specyallye, Line 6212 For grete yoye amonge þem all In a swowne sche dud downe falle. Sche had not wente to haue fonde hym þare. [After this line the catch-word Tyrrye toke hure in another hand.] Tyrrye toke hur vp full ȝare [folio 201a:1] Line 6216 And seyde: 'lady, let be thy fare. To game and yoye ys turned owre care. I am,' he seyde, 'bothe hole and fere, [MS. clere.] And so art thou, y see well here.' Line 6220 There þey dwellyd all longe: Yoye and game was þem amonge. ¶ Gye hym þoght vpon a day Of gode Harrowde, þat was away, Line 6224 And callyd Tyrrye and Amys And seyde: 'lordyngys, here myn avyce. Wyll we to Gormoyse wende To the erle, that ys so hende? Line 6228 For vs, y wote, he ys sorye. Vs to venge he wyll helpe in hye And brynge my men owt of pryson, That Loyere holdyth wyth gret treson.' Line 6232 Then bespake Tyrrye anon: 'Full glad wyll he be wyth yow to gone And ellys y wolde, þat he were colde; For he ys þerto moste beholde.' Line 6236 ¶ Then bespake Ames the hende: 'Y wyll also wyth yow wende To helpe yow in all thynge.

Fyue hundurd knyghtys wyll y brynge Line 6240 And of squyers a thousande: They schall be redy to yowre hande.' 'Syr,' seyde Gye, 'gramercye; For in yowre helpe y me affye.' Line 6244 Ames sende aftur hys knyghtys all: They came sone to hys calle; So dud hys squyers euerychone: They fayled hym neuer oon. Line 6248 ¶ When they were redy dyght, Forþe þey went on stedys lyght. To Gormoyse they toke the way: Loreyn þey stroyed that same day. Line 6252 As þey went in þat londe, They slewe all, that they fonde. [folio 201a:2] They come to Gormoyse in hye: Joyfull was the erle Awbrye. Line 6256 He was so yoyfull a man, That he swownyd, when þey came. He wende full sekurlye Neuer to haue sene Tyrrye nor Gye. Line 6260 All the men of that cyte Of þer comyng made game and glee. ¶ Tyrrye tolde hys fadur than, How Gye was a nobull man Line 6264 And toke hym fro the pryson And wyth hys hande slewe dewke Oton. 'Amonge þem all he forgate noght, But my lady awey he broght. Line 6268 Now he þynkyþ bothe day and nyght Dewke Loyere for to stroye wyth myght. He wyll not [but seems to be omitted after not.] wyth grete yre To be vengyd on that syre.' Line 6272