The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...

Now turne we ageyne to syr Gye And to the bolde erle Tyrrye. Line 5104 Þe Lumbardes þey had ouercomen echon, Some fledde, some taken and slone. 'Where ys Harrowde?' seyde syr Gye, 'I haue wondur and ferlye.' Line 5108 Then seyde oon: 'be my crowne, I sye hym chace dewke Oton. He hym folowed [e in folowed gone (cf. 4960).] owte of þe fyght Prekynge on a stede wyght.' Line 5112 'Allas,' seyde Gye, 'þat y was borne, Now y haue Harrowde forlorne. Forthe a whyle y wyll fonde, If y may of hym here tythande. Line 5116 Lordyngys,' he seyde, 'pur charyte, Wendyth home to the cyte; For y wyll wende nyght and day, Harrowde yf y fynde may. Line 5120 schall neuer ete bredde,

Or y fynde hym quyck or dedde. Tyrrye,' he seyde, 'come wyth me To seke Harrowde, pur charyte.' Line 5124 ¶ They toke þer stedys wyth þer sporys: [MS. spurres.] They prekyd ouer rugges and forys. [MS. forows.] To the ooste can they fare To loke, yf Harrowde were thare. Line 5128 Gye lokydde, wytterlye: He sawe dewke Oton of Payuye And wyth hym Harrowde, þat nobull knyght, [folio 194a:1] Euyll woundyd and euyll dyght. Line 5132 'Allas,' seyde Gye, 'Harrowde ys tane: Amonge hys enemyes he ys allane. Tyrrye,' he seyde, 'my dere felowe, Helpe me now a lytull throwe.' Line 5136 'Ȝys,' seyde Tyrrye, 'so mote y the, Whyll that y lyueande bee.' ¶ Gye a Lumbarde smote faste: Hys hors and hym downe he caste. Line 5140 Tyrrye hyt a nodur wele The hed wente of euery dele. There þey drewe þer swyrdys bryght And slewe many a doghty knyght. Line 5144 To Harrowde Gye sone wanne, A gode swyrde he toke hym than And bad hym to defende hym, as an hardy knyȝt. There þey were in a grete fyght. Line 5148 Tho þre knyghtys faght so faste, That þe Lumbardes were scowmfet at þe laste. ¶ To the ooste flewe dewke Oton: Gye hym chacyd vp and downe. Line 5152 Wythynne the oost a bowe draght Gye wyth hys swyrde hym raght. He thoght for to smyte sore And for to be avengyd thore: Line 5156

Line 5156 Betwene the body and the arson Felle hys dynte there adowne. The sadull of golde and þat stede He smote a too in that nede. Line 5160 There they prekyd abowte syr Gye, But he defendyd hym manlye. Gye prekyd thorow the ooste: They hym folowed wyth grete boste. Line 5164 He mette Harrowde and Tyrrye: Of hym they had ferlye, On what maner he passyd away. They thankyd god þat same day, Line 5168 That þey had so mette the Lumbardes, They schulde not sey, þey were cowardes. [folio 194a:2] They gaue them strokys vnryde And woundyde them on euery syde. Line 5172 ¶ Then seyde Gye to hys felows tho: 'Hyt ys tyme, that we goo.' To the cyte can they fare And carefull lefte þe Lumbardes þare. Line 5176 Gye and Tyrrye be hole and sownde, Harrowde hath an euyll wounde. Forthe they wente all thre Wyth yoye vnto the cyte. Line 5180 All the men of that cuntre Looueyd god in trynyte, That syr Harrowde had hys lyfe; For he had be in so moche stryfe. Line 5184 Gye made to come to hys honde The beste lechys of that londe. Harrowdes wounde þey helyd wele In a whyle, so haue y hele. Line 5188 They were then full blythe And thankyd god fele sythe, That þey had ouercomen þer enemyes Thorow goddys helpe and syr Gyes. Line 5192

Line 5192 Now þey drad þem no mare, For they were broght owt of care. ¶ The dewke Oton ys comen hame: Of hys dede he had grete schame. Line 5196 Lechys he had there gode: They helyd hym sone, be my hode. When hys woundys were whayle, He wente to the dewke, sawns fayle, Line 5200 And tolde hym of hys wykkyd care, How he had be in sorowe sare. ¶ To dewke Loyer seyde Oton: 'Herkyn to my reson. Line 5204 But ye haue þe better cownsayle, [MS. cownsell.] Ye lose yowre londe, wythowte fayle, Thorowe þe men Harrowde and Gye And wyth them þe erle Tyrrye. [folio 194b:1] Line 5208 All yowre knyghtys þey haue tane And yowre frendys many slane. The stronge cyte may no man wynne Nodur wyth force nor wyth gynne. Line 5212 They haue of many a londe socowre: Yf we fyght, we gete the worre. Yf ye wyll my cowncell trowe, Wyth some wyle we wyll venge yow. Line 5216 Men schulde preue in all wyse To venge them on þer enmyse. ¶ Sende ye wyth loue vnto Tyrrye And to hys fadur, erle Awbrye, Line 5220 And sey, þou wylt ȝeue þy doghtur dere To syr Tyrrye wyth full gode chere, And bydde hym come to thys cyte (And sey, ye wyll acordyd bee Line 5224 All seker and not dredande Wyth all the knyghtys of þe lande: All wyth loue and charyte

Here schall they weddyd bee. Line 5228 When they be fro þe cyte gone But þe mowntenans of a rone, [Lines 5229-30 very probably corrupt. See note.] Ye schall take the trayturs all And euyll schall them befalle. Line 5232 Echoon of them schall dampned bee In yowre courte to hynge on a tre. Y prey yow, syr, hertely, Geue me Harrowde, Tyrrye and Gye. Line 5236 They be my dedly enmyse: Y schall them peyne in all wyse. They schall be broght into Payuye And in pryson depe they schall dye. Line 5240 And dampne hym to dethe, Tyrrye: [MS. syr Gye.] So schall hyt be, sekurlye. Then schall y haue þy doghtur dere In Payuye for to wedde hur there.' Line 5244 ¶ Tho hym spake the dewke Loyere: 'Let be, Oton, thy wyckyd manere. [folio 194b:2] For all the gode in thys towne Y wolde not do Tyrrye þys tresown. Line 5248 I wolde not Tyrrye so begyle Nor qwyte hym not so hys wylle For hys gode dede and hys serues Nodur Gye nor Harrowde þe marches. Line 5252 Yf syr Tyrrye haue done any skathe, Sone he may amende hyt rathe. Gye and Harrowde, be thys day, Hyt were pyte so þem to betraye.' Line 5256 ¶ Then spake the dewke Oton: 'Me thynkyth, ye speke no reson, When ye loue the theuys so well, That ye wyll do be no cowncell Line 5260 Nor put them in yowre pryson

To ȝelde to yow rawnsome Odur do þem [MS. hym.] gode costage To amende þer [MS. hys.] owtrage. Line 5264 Y schall haue [u in haue partly gone (worm-hole).] Harrowde and Gye Tyll þey be swagyd a gode partye And chastysed thorow þer owtrage. Then schall ye þorow your baronage Line 5268 Wyth them sone acordyd bee To wynne þer loue to þe and me.' ¶ He thoght a nodur trecherye: Yf he myȝt gete þem to hys baylye, Line 5272 He wolde not for all Lumbardye, But þey were dedde full ha telye. He besoght dewke Loyere Wyth soche wordys and preyere, Line 5276 That he grauntyd for hys sake A messengere for to make. They toke þe byschopp of þat lande And tolde hym all that tythande, Line 5280 How þey wolde make acordynge, Wythowte any lesynge. Forthe he wente that ylke day Wyth grete fare and nobelaye. Line 5284 Or hyt were dayes thre, [folio 195a:1] Comyn he was to that cyte. There he fonde the erle Awbrye And he hym kyssed curteslye. Line 5288 'He grett yow wele, þe dewke Loyere, And byddyth yow on feyre manere Come to hys cyte, verament: And, yf ye wyll to hym assent, Line 5292 He wyll geue thy sone Tyrrye Hys doghtur to wyfe, sekurlye, And in that same feyre cyte

Schall the brydale holdyn bee. Line 5296 Yowre baronage schall come þedur To make yoye all togedur, And also all yowre cheualrye Muste be there wyth yow redye. Line 5300 Of bothe halues many schall bee In pavelons before that cyte. There schall ye acordyd [co in acordyd in part gone (worm-hole).] bee, Y tryste, in grete specyaltee.' Line 5304 ¶ All þey seyde in feyre manere: 'Blessyd be god and seynt Rogere. Wyth owre lorde, dewke Loyere, We wyll be attone on þys manere. Line 5308 We wyll come at hys comawndement, When he aftur vs thus haþ sente. We haue done agenste hys wylle: We schall amende hyt, and þat ys skylle.' Line 5312 ¶ Gye seyde: 'dowte ye noght, Leste þat þey haue treson wroght? The dewke Oton of Payuye Hatyth vs full dedlye: Line 5316 He may geue an euell redde, Thorow whych we myght be dedde. I wott, the dewke Loyere Wolde do but gode to hys powere.' Line 5320 The byschopp seyde: 'drede ye noght: In hym ys no wyckyd thoght. He wolde not for all thys towne [folio 195a:2] Do yow any tresowne.' Line 5324 ¶ Now wendyth þe byschopp to Loreyne. [MS. loren.] The erle Tyrrye ys full fayne. When the tyme was nye tolde, All the knyghtys yonge and olde Line 5328 Dyghtyd them, as men hende, And to the parlement dud þey wende:

The erle Awbrye and Tyrrye, Harrowde and gode syr Gye; Line 5332 Wyth þem v hundurde knyghtys wyght, Echon on [MS. of.] stedeys feyre and lyght. They were all clothed well In scarlet and in ryche sendell. Line 5336 They had wyth þem þe maydyn ȝynge. Of treson wyste they nothynge. ¶ They came to the parlement: They thoght to make acordement. Line 5340 There were straungers of many a cuntre, That came the weddyng for to see: Of Lorayne [MS. loyere.] the dewke Loyere And wyth hym mony a bachelere Line 5344 And of hys baronage grete plente, That came the maryage for to see; The dewke Oton of Payuye And fele erlys of Lumbardye. Line 5348 ¶ 'Lordyngys,' seyde dewke Oton, 'Herkenyth to my reson. Well ye wott, that Tyrrye, Of Gormoyse the erlys sone Awbrye, Line 5352 Trespassyd agenste dewke Loyere, Whyll he was to hym lefe and dere. In hys courte was he longe, Tyll he was waxyn stronge: Line 5356 He made hym knyght rychelye, And he qwytt hym euyll, wytterlye, When he soche þynge toke on hande, To lede hys doghtur owt of hys lande. Line 5360 To Costantyne he hur broght, There as the dewke ys [ys omitted in MS. See note.] louyd noght. [folio 195b:1] And hys knyghtys he hath slayne And hys londe dystroyed wyth mayne. Line 5364

Line 5364 Ȝyt he hath done more, be þys day, But y wyll not all say. I beseche [MS. besecheyd.] hym pur charyte And all thys baronage, sekerlye, Line 5368 That the dewke in hys parlement Hym forgeue hys maleentente And geue Tyrrye wyth honowre Hys doghtur bryght in bowre Line 5372 Wyth hym to the cyte for to fare A ryche brydale to make thare. For syr Tyrrye there schall bee Grett myrthe and yolyte. Line 5376 Then schull we euyr frendys bee, And þen wyll y wende to my cuntre.' Thus the dewke Oton can say: 'For goddys loue, graunte vs þat to daye.' Line 5380 ¶ Than seyde dewke Loyere: 'As ye haue seyde, y graunt hyt here. I forgeue hym myn euyll wylle: I schall hym loue lowde and stylle.' Line 5384 ¶ Then spake dewke Oton: 'I prey yow all, beseche Gyowne, Yf y haue oght ageyne hym done, That y muste amende hyt sone. Line 5388 Wyth þat couenande kysse me here Euyr to be my frende dere.' 'Syr dewke,' seyde Gye, 'holde þe stylle: To kysse the y haue no wylle. Line 5392 Thou me betrayed in þy cuntre And slewe my nobull knyghtys thre. That ys not to reherce here: Speke we of a nodur matere. Line 5396 Go and do, what thy wylle ys, The erle Awbrye for to kysse. Acorde wyth hys sone Tyrrye:

To the hyt ys no vylenye.' Line 5400 ¶ Then þey kyste all same [folio 195b:2] Bothe wyth yoye and wyth game. Gye hym drewe bakwarde: He wolde kysse no Lumbarde. Line 5404 They kyssed then euery man: At the dewke Gye began. ¶ 'Dewke Loyere,' seyde Awbrye, 'Here y take the my sone Tyrrye: Line 5408 Here y the take a gode knyght: My blessynge haue he day and nyght.' The erle hym turned sone anon: The wey to Gormoyse [MS. Gorgomoyse.] ys he gon. Line 5412 The dewke Loyere went hys way And all hys baronage wyth hym þat day. Harrowde ledde þat maye bryght: Sche was bothe feyre and whyght. Line 5416 Sche had hur fadurs wylle For to be wyth Harrowde stylle. Gye, Harrowde [d in Harrowde gone (worm-hole).] and Tyrrye Rode syngyng merelye. Line 5420 Grete game was in þer thoght: For of treson wyste þey noght. Or hyt were none of the day, They schulde synge: 'wele away.' Line 5424