The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...

The dewke rose ȝerlye And vnto Gormoyse dud he hye. He toke in hys companye A thowsande [w in thowsande is gone in consequence of a worm-hole.] knyghtys hardye. Line 4960 He manaste Gye and Tyrrye: Yf he þem fonde, þey shoulde abye. ¶ As Gye come þorow a churche ȝarde, He lokyd to the felde warde. Line 4964 He sawe, the ooste of dewke Oton Be an hylle came passande downe He callyd to hym Tyrrye And schewyd hym, that he sye. Line 4968 Gye seyde: 'what wyll we doo? The ooste of Lorens cometh vs too. The dewke Oton of Payuye, He ys myn olde enemye. Line 4972 Y knowe hym wele redylye. Wyth hym to fyght y am redye. Let we arme vs sone wele Bothe in yron and in stele Line 4976 And an hundurd knyghtys wyth vs take And moche shame we shall hym make. We schall be vengyd thorow þe grace Of hym to day in the place.' [folio 193a:1] Line 4980 ¶ When þey were armed all preste,

They range þe bellus: þey wolde not reste. Now they be gedurde same: They þoght for to worche no game. Line 4984 Owte of the cyte dud they fare: They fonde þe Lorens redy thare. They smeten togedur faste: The speres sone in sonder braste. Line 4988 Then þey drewe swyrdys bryght And faght togedur wyth þer myght. There were many slayne on boþe partes: The warse had the Lumbardes. Line 4992 Of ther men be many slane And many vnto preson tane. Gye smote the erle Jurdan, That was lorde of Melayn, Line 4996 A grete stroke in the schylde, That he felle downe in þe felde. ¶ Then came prekynge [n in prekynge gone (cf. 4960).] syr Tyrrye: Wyth force he smote Amerye: Line 5000 He was þe dewkes steward Oton. Of hys hors he felle downe. He drewe there hys fawchone And slewe Amery there anon Line 5004 Wyth hys swyrde, that was of stele. That sawe the dewke Oton wele. There they slewe the Lumbardes: They felle downe, as cowardes. Line 5008 Grete was that dyscowmfyte: To a Lumbarde came dole tyte. ¶ On a syde faste prekande Came dewke Oton faste fleande. Line 5012 No man hym sye, but Harrawte: To hym he thoght to make assawte. He flewe faste and can nye wende, And Harrowde aftur, that was hende. Line 5016

Line 5016 'Turne þe,' he seyde, 'so muste þou thryue: Here ys no man, but y, on lyue. [folio 193a:2] Defende here that felonye, That þou duddyst in Lumbardye.' Line 5020 ¶ The dewke turned hym to ageyne, And therof was Harrowde fayne. Faste they smote on helme and shylde, Tho two knyghtys, in the felde. Line 5024 The fyre flewe owte at euery dynte: Nodyr wolde for odur stynte. They brake helmes and hawberkys gode: The blode be þer bodyes downe yode. Line 5028 Betwene þem two was stronge batayle: Eyther can odur faste assayle. Thoght Harrowde: 'y schall vengyd bee Or ellys be dedde, so mote y thee.' Line 5032 He hyt the dewke Oton sare: A pece owt of the helme he schare. The swyrde [MS. schylde.] in the schouldur wode Halfe a fote, or hyt stode. Line 5036 Downe felle that nobull syre: Harrawde hym hyt wyth grete yre. He wolde haue smetyn of hys heuydde, [MS. hedde.] But wyth strenkyth he was hym reuydde: Line 5040 An hundurd knyghtys came wele dyght Abowte Harrowde anon ryght. To sloo Harrawde þey dud þer myght And he defendyd hym, as a nobull knyght. Line 5044 ¶ Then he hyt a Lumbarde wele: The hedde yede of euery dele. He faght wyth hys swyrde of stele: At the laste he felyd hym euyll. Line 5048 He wolde haue to the cyte fare, But hys hors was woundyd sare. Tho þey all on Harrowde thronge

And wroght hym moche wronge: Line 5052 Wyth ther speres, þat were scharpe, They brake helme [MS. helmes.] and hawberke. He was there nere dedde: [folio 193b:1] Hys body ranne on blode redde. Line 5056 ¶ Then owte starte a Lumbarte: Felle he was, as a lybarte. Barant was hys ryght name. He þoght to do Harrowde shame: Line 5060 He gaue Harrowde a wyde wounde Thorowe the body in a stownde. He vengyd hym sone full hote: Hys hedde of there he smote. Line 5064 Anodur he þoght to smyte ryght: Hys hedde þere on the ȝorthe lyght. But hys swerde glasedde lowe And stroke vpon the sadull bowe: Line 5068 So faste hys swerde he dud owt take, That in hys hande hyt all tobrake. 'Allas,' seyde Harrowde, 'now haue y care: I may defende me now no mare. Line 5072 Allas, swerde, who made the, Hongyd be he on a tree. Why haste þou fayled me so sone? My lyue dayes be now done. Line 5076 Me had leuer here haue be slane, [MS. slayne.] Then þus amonge þese men tane.' ¶ Then starte vp a Lumbarde: For sothe, he was a cowarde. Line 5080 'Thefe,' he seyde, 'thou schalt abye: Thou haste done vs moche vylenye.' Harrowde wyth hys fyste hym smate, That hys neck in two brake. Line 5084 Tho seyde Harrowde: 'so mote y the, Harme schall y none haue of þe.'

¶ There came forthe a doghty knyght: Of Frawnce he was, Josep he hyght. Line 5088 He was þe dewkys sowdyere: He seruyd hym for mystere. 'Harrowde,' he seyde, 'ȝylde þe to me. Ther schall no skaþe be done to the [folio 193b:2] Line 5092 Of the dewke and hys meyne, Also muste y thryue or the.' 'Syr,' seyde Harrowde, 'be seynt Mychell, To þat couenawnde y graunt well, Line 5096 So þat ye me slo in the felde, Or ye me to the dewke ȝelde.' They sett Harrowde on a stede, Towarde þe ooste þey dud hym lede: Line 5100 They were gladde euerychane, When they had Harrowde tane.