Now go we to a nodur matere
And speke we, þere as we were ere,
How þat Gye wyth syr Tyrrye
To the hawthorne faste dud hye.
Line 4620
When Gye come þedur, he fonde noght.
Vp and downe there he soght.
When he ne myght fynde that maye,
To hys ynne he toke the waye.
Line 4624
'Syrs,' they seyde, 'make gode chere,'
When they sye Gye hole and [MS. Gye all in.] fere.
Then seyde Gye: 'syrs, take þys knyght
And loke, that he be wele ydyght.'
Line 4628
Gye sende aftur the lechys in hye
The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...
About this Item
- Title
- The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...
- Publication
- London,: Pub. for the Early English Text Society, by N. Trübner & Co.,
- 1875-6.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Link to this Item
-
http://name.umdl.umich.edu/ANZ4364.0001.001
- Cite this Item
-
"The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ..." In the digital collection Corpus of Middle English Prose and Verse. https://name.umdl.umich.edu/ANZ4364.0001.001. University of Michigan Library Digital Collections. Accessed June 6, 2025.
Pages
Page 133
For to helpe syr Tyrrye. [folio 190b:2]
¶ As he stode and he hym bye, [Line 4631 seems corrupt. See note.]
He thoght, he harde a rewfull crye.
Line 4632
He callyd to hym hys chaumberleyn
And soone he can to hym sayne:
'What was þat noyce and þat dynne?'
And he seyde, þer was a maye wythynne,
Line 4636
'That Harrowde fonde in þe ȝondur foreste:
Of all, þat euer y sye, she ys þe feyreste.'
'A,' seyde Gye, 'for god allmyght,
Sende [The first e in Sende looks a little irregular.] aftur hur yn anon ryght.'
Line 4640
The chaumberleyn went in hye
And broght þat maye vnto syr Gye.
'Welcome,' he seyde, 'my swete wyȝt:
Y am bothe gladde and lyght.'
Line 4644
¶ When sche sye Tyrre lye thare,
Sche felle in swowne for sorow and care.
Gye hur in hys armes plyght
And seyde: 'be stylle, my swete wyȝt.
Line 4648
Make no more none euyll chere:
Thy lemman shall be hole and fere.'
Sche sye þe body lye on þe grownde
And þeron many a bytter wounde.
Line 4652
Sche seyde: 'Tyrrye, my dere lemman,
Thou art now boþe pale and wan.
Some tyme þou were of grete honowre,
And rodye, as rose, was þy colowre.
Line 4656
In wyckyd tyme þou trowest my redde,
When þou for my loue shalt be dedde.
I schall be dedde also wyth the:
God gyf me grace, þat hyt so bee.
Line 4660
Yf ye dye, y schall me sloo:
Schall y neuer fro hens goo.'
On hys bodye, þere hyt laye,
Page 134
Sche felle downe þere þat daye.
Line 4664
Sche kyssyd hys mowþe and hys face
And ofte sche cryed: 'allas, allas!'
Sche waxed bloo, as any ledde,
And felle downe, as she were dedde.
Line 4668
¶ Gye toke that swete wyght [folio 191a:1]
In hys armes vp wyth myght
And seyde: 'my dere lemman, let be þy fare,
For thy lorde schall welfare.'
Line 4672
The leche seyde at that stownde,
He shulde be bothe hole and sownde.
Gye hur cowmfortyd wyth gode wylle.
He seyde: 'feyre lady, be stylle.'
Line 4676