The romance of Guy of Warwick. The second or 15th-century version. Edited from the paper ms. Ff. 2. 38. in the University Library, Cambridge, by Dr. Julius Zupitza ...

When Gye sye, hyt was Tyrrye, That was bolde and hardy, Line 4492 Faste he moonyd hym, wele y wate, þat he was in so euyll estate, And þoȝt, he shulde neuer be glade nor blyþe, Or he had vengyd Tyrrye swythe. Line 4496 He toke hys schylde and hys spere And hys swyrde wyth hym dud he bere. To þe mowntayne can he fare: A grete logge fonde he thare. Line 4500 Before þat dore he fonde þe stede. He farde than, as he wolde wede: Downe he lepe and drewe hys bronde, In he bare hyt in hys honde. Line 4504 ¶ When he sye the theuys prowde, He began to crye lowde: 'Trayturs, þeuys, þe deuyll yow honge. Why haue ye do soche a wronge? Line 4508 Ye haue slayne a doghty knyght: Ye schall hyt bye, my trowþe y plyght.' He, þat furste cownturd þere wyth Gye, Hys hedde loste he smertlye: Line 4512 The seconde and þe thrydde also, The fowrthe, þe v. and also moo. [folio 190a:1] Nyehande he slewe þem wythynne, Or þey myȝt þer wepons wynne. Line 4516 Ther was lefte there but oon, But þey were woundyd or ellys slone. He ys paste, as y yow say, But deþeys wounde he bare away. Line 4520 ¶ Gye starte to þat maydyn ȝynge And seyde: 'make no dole, my swete þynge. Ryse vp and come wyth me: To Tyrrye y wyll lede the.' Line 4524 On a mewle he sett þat maye

And to þe wode he toke þe way. When he came to þe hawethorn tree, Awey was syr Tyrre. Line 4528 Therfore he made grete deraye, For he was so gone away. Sory was tho syr Gye; For he wende full sekurlye, Line 4532 That wylde bestys of þat foreste Wyth hym had made ther feste. ¶ He lokyd hym a lytull besyde And he sye fete of horsys vnryde. Line 4536 He set þe mayde on þe grownde And rode hymselfe forþe in þat stownde. He folowed the trace swythe faste And he sye knyghtys at the laste. Line 4540 Syr Tyrrye wyth þem þey dud lede And he hyed hym aftur a gode spede. Full sone þen came he þem nere: He bad þem on feyre manere Line 4544 To delyuer to hym þat woundyd knyght. 'I haue to hym my trowthe plyght (Y wylle hyt holde, yf þat y myght. Ye do hym, me þynkyþ, no ryght), Line 4548 That y schulde, when he wore dedde, Bery hym in some gode stedde; And y bydde yow now pur charyte, That body ye delyuyr to mee.' Line 4552 ¶ There turned ageyne a Lumbarde, [folio 190a:2] That was Otons stewarde. In a bote he passed owre [MS. ouyr. After this line In a bote and odur fowre struck out.] Aftur Tyrrye and odur fowre. Line 4556 To Gye he seyde: 'what art thou? Thou loueyst full lytull þyn own prowe, When thou came on thys manere

Thys body for to chalenge here. Line 4560 Thou art hys felowe: be my crowne, Thou schalt be ladde to dewke Oton. There schall yow bothe hangyd bee Hye vppon a galowe tree.' Line 4564 ¶ 'Syr,' quod Gye, 'þou seyest not ryght: Ȝyt had y leuyr wyth yow all fyght.' He gaue oon a stroke on the heuydde, [MS. hedde.] That hys boste soone þere was leuydde. Line 4568 To þe gyrdull came the dynte: Ȝer wolde not þe swyrde stynte. Another he smote also thare, For nothynge wolde he spare: Line 4572 Of hys hedde he smote clene, That hyt flewe on the grene. Than cam syr Hewchowne, That was cosyn to dewke Oton: Line 4576 He can Gye faste assayle, That þe steroppe he made hym to fayle. So nye Gye dud he goo, That Gye smote hys body in twoo. Line 4580 The fowrthe fledde at the laste: I trowe, he were somewhat agaste. Gye toke vp syr Tyrrye And set hym on hys hors hym bye. Line 4584 Gye hym to þat thorne broght, But þat maye fonde þey noght. ¶ Now wyll we leue of syr Gye And of the maydyn speke in hye, Line 4588 On what maner sche was gane And owt of the foreste tane. Of Gyes felows wyll we telle [folio 190b:1] In the foreste, as we spelle. Line 4592 In the cyte, there þey ware, They dyȝt hys mete and made hyt yare

Of hym they all had meruell grete, Why he came not to hys mete. Line 4596 Harrawde then, the gode knyght, To the foreste wente full ryght. Thorow all þe wode þey haue hym soȝt, But, for sothe, they fonde hym noght. Line 4600 ¶ Then they harde a playnte mylde, Os a woman were wyth chylde. Ofte sche moonyd hur of care. Harrawde, nerre hur can he fare: Line 4604 Vndur a thorne they hur fande, Hurselfe allone sore wepande. Harrowde askyd hur of hur name And what she soght and fro whens she came Line 4608 And why she made so [so over the line by the same hand.] grete mornynge. Sche wolde þem seye no nodur thynge, But þat sche was a wrecchyd woman And for hur lorde sche made that mone. Line 4612 Sche bad, no man schulde hur see, But kepe hur feyre in pryuete. To the cyte they went in hye, For they myght not mete wyth Gye. Line 4616