Fy on slowtfull contenewaunce
Where conquest is a noble plesaunce,
And Regesterd in olde rememberance,
Line 28
Edwardes, Day Gracia.
Wherefor, prince And kyng moste myȝti,
Remembere þe Subdeue of þi Regaly,
Of Englonde, frawnce, & spayn trewely,
Line 32
Edwardes, Dai gracia. [[A Recipe "For brekyng owte of scabbes & bleynes" follows.]]
EXPLICIT.
THE RECEYVYNG OF KYNG EDWARD THE IIIJTH AT BRYSTOWE.
[MS. Lambeth 306, fol. 132. The heavy letters mark the red of the MS.]
First atte the comyng ynne atte temple gate there stode Wylliam conquerour with iij lordis, and these were his wordis
Well-come, Edwarde, oure son of high degre!
Many yeeris hast þou lakkyd owte of this londe:
I am thy fore fader, Wylliam of normandye,
To see thy welefare here thrugh goddys sonde.
Over the same gate stondyng a greet Gyaunt delyueryng the keyes.
¶ The Receyuyng atte temple Crosse next folowyng.
There was seynt George on horsbakke vppone a tent fyghtyng with a dragone, And þe kyng & þe quene on hyghe in a castelle, And his doughter benethe with a lambe. And atte the sleyng of the dragone ther was a greet melody of aungellys. [[Follows: A medycyne for the pestylence.]]
