Edwardus, Dei Gratia.
[Lambeth MS. 306, leaf 136.]
[The big initial is wanting, tho' a small one is put, as in the last poem.] AA A, Edwardeus Dai gracia,
Sithe god hathe chose þe to be his knyȝt,
And posseside þe in thi right,
Thoue hime honour with al thi myght,
Line 4
Edwardes, Dai gracia.
Oute of þe stoke þat longe lay dede [MS. lade day.]
God hathe causede the to sprynge & sprede,
And of al Englond to be the hede,
Line 8
Edwardes, Dei gracia.
Sithe god hathe yeuen the, thorough his myȝte,
Owte of that stoke birede in sight
The floure to springe, a Rosse so white,
Line 12
Edwardes, Dai gracia,
Thoue yeve hem lawde and praisinge,
Thove vergyne knight of whom we synge,
Vn-Deffiled sithe thy begynnyng,
Line 16
Edwardes, Dai gracia.
God save thy contenewaunce,
And so to prospede to his plesance
That euer thyne Astate thou mowte enhaunce!
Line 20
Edwardes, Dai gracia.
Rex Anglie & francia, y Say,
Hit is thine owne, why saist þou nay?
And so is spayne, þat faire contrey,
Line 24
Edwardis, Dai gracia.
