I axst a mayster of fysyke lore,
what wold hym drye and dryve away?
'Elymosina' ys an erbe ther-fore,
Oon of the best that euer I say;
Line 92
Noynt hem ther-wyth ay when thow may,
Thingk that Requiem shall in the rent & sese,
And sone after, with-in a nyght & a day,
Thou shalt haue lysens to lyve in ease.
Line 96
(9)
'Gula' ys a grevous gall;
he bereueth my rest all in my bed;
So sore I streyne my stomake with-all,
wyth many festys when I am full fed;
Line 100
I walow as worme doth in wall,
I may nat trest tyll a schamely sched.
Mercy! lorde! to the I call,
For vs thou lettest thy brest be bled.
Line 104
A leche hath layd hys hed to wed
To make a plaster that wolde me please,
Off abstinaunce; and I it had,
Then sholde I haue lysens to lyve in ease.
Line 108
(10)
'Luxiria' ys a lyther mormale;
Mercy! lorde! full of pite;
Thou bringest my body in bitter bale,
And fraill my sowle with thy frailte.
Line 112
Sumtyme a surioune tolde me a tale; [folio 58b]
This was the lessyn that he lerned me;
The rote of an erbe I sholde vp hale,
Men call it 'chastite'; [This line and the next are written as one; cf. l. 128.]
Line 116
and pounde it with penytencie;
When the ryb wode wyll on the rese,
Drayne it and dringke it with confescionè,
Then shalt thow haue lysens to lyve in ease.
Line 120
