(3)
This wound norysshyth woundes sevyn;
'Superbia' ys the most prinsipall,
'pryde pertly' in englysshe steven,
For he ys more bytter then euer was gall.
Line 28
I haue had ther-to lechys aleven, [folio 57]
and they gave me medysins all.
The souereynyst medysyn that ys vnder heven,
hyt growes nother in ground nother wall;
Line 32
'vmylitas' I hard a clerke it call;
had I hit, I were at ease.
larde! sende it vnto the syke thralle, [MS. tharlle.]
and gyff me lysens to lyve in ease.
Line 36
(4)
A wycked wound hath me walled,
And traveyld me from topp to too;
This wracched worlde hit may be called,
hit hath many a blayne black and bloo.
Line 40
hit hurtys my soule, it makes me to halt,
In hed, in hond, in hart al-soo.
Nad I ben babtyzyd in water and salt,
This ferdly fester wolde neuer me froo.
Line 44
This leche lyssyd me, lazars, & moo,
Davith and danyell, of her dysease.
Amend my wound that doth me woo,
And gyff me lysens to lyve in ease.
Line 48
(5)
'Invidia' the therd wound ys,
A wyckkyd gnawer, or venym, or gowt;
he ys a wyckyd wound, I gess,
Ther he hath power to Reyne or Rought.
Line 52
The condyssion of the wound ys this,
To bren my brest with-in and with-oute.
I asked a lech what myght me lyss,
he toke me 'carytas,' and put it in a clout,
Line 56
