Vn-to þe modir þat wolde deeþ fong?
Line 56
¶ Þou pynest my sone with peynës strong;
Pyne þan þe modir at hir reqwest!
Alas, y may synge a soruful song,
Þat [page 77] 'filius regis mortuus est.'
Line 60
(6)
A! þou erþe! on þee y clayme apeel
Þat þou receyuedist his giltlees blood.
Þou stoon! whi woldist þou be so freel
To be þe morteis þere þe crosse stood?
Line 64
¶ He made þe erþe and stoonis feele,
And ȝe ben instrumentis now to þe roode
To sle ȝoure maker! ȝe wite ful weel
He dide neuere yuel, but euermore good.
Line 68
¶ He was euere meeke & mylde of mood;
Now is he stikid as it were a beest!
Alas my babe, my lyuës foode,
Filius regis mortuus est!
Line 72
(7)
Thou tree, þou crosse, how durst þou be
A galow to hang thi maker so?
Vnto his fadir y may apeele þee
Þat woldist be cause of þe sonës woo;
Line 76
¶ Not cause, but help þat he deed be!
Ȝe trees! crie mercy, ȝe be my foo;
Hadde ȝe be ordeyned [page 78] a roode for me,
To hang me bi him, it hadde ben weel doo.
Line 80
¶ But what may y seie? whidir schal y do? [go]
Þe tree haþ hangid a king, a preest;
Of allë kingis suche ben no mo
As 'filius regis mortuus est.'
Line 84
(8)
O ȝe creaturis vnkynde! þou iren, þou steel,
þou scharp þorn!
How durst ȝe slee ȝoure best frend,
