(85)
¶ Whanne þou alle þi freendis hast asaied,
Þou schalt fynde no freend lijk me;
'Þou wolt amende,' þus ofte þou seide,
And aȝen amendis wole y not be;
Line 720
Do trewe penaunce, & y am payed, [page 223]
From eendelees peine y wole make þee free;
For whi? for þi loue my lijf y laied:
What freend wolde haue so doon for þee?
Line 724
(86)
¶ With soruful herte þi synne þou schryfe,
Make amendis with þi myȝt & mayn,
And if þou þus leeue þi wickid lijf,
Myn aungils wolen be þerof fayn.
Line 728
Þinke þou ofte on lottis wijf,
And turne not to þi synne agayn;
Lete not dispeirë þee doun drijf;
Þinke on petir & on mawdeleyn.
Line 732
(87)
¶ Man, þus wipe awey þi wickidnes,
And kepe my biddynge bi and by,
And þou schalt haue in my blis,
Worschip wiþoute ony velonye,
Line 736
No pouert, but al richesse,
Hele, strenþe, & wijsdom eendeleesly;
Þou schalt be ful of al swetnesse
Where þou schalt lyue & neuere die."
Line 740
(88)
(Man's Eleventh and last Answer.)
"GRaunte mercy, ihesu, crop & roote [page 224]
Of al frenschip, for þou neuere failis;
Aȝens þee nyle y not moote,
But, as ofte as me yue[l] aylis,
Line 744
I wole fallë flat to thi foote,
To helpë me in goostli batailis.
Aȝens al bale, lord, þou be my boote,
Whanne synne & sorowe me sore asailis.
Line 748
