(81)
For my sake, þritti ȝeeris & moo,
greet traueile for me in erþe þou hadde;
þi modir, wiþ þin apostolis also,
In greet disese her lijf þei ledde:
Line 688
In aduersite and mychë woo
martris & confessouris weren clad:
in such a companye to goo
in þi leuerey, y schulde be glad.
Line 692
(82)
Siþen þi derlingis þat with þee dwelle
hadden such aduersitee in þis lijf,
what herte may þinke, or tungë telle,
þe payne, þe anguische, & þe strijf
Line 696
þat dampned men schulen haue in helle,
þere eendelees woo & sorewis ben riyf?
Y wole forsake my synnes so felle,
& to a discreet preeste y wole me schryue.
Line 700
(83)
¶ In trewe penaunce is myn entent, [page 222]
Fro hens forward my tyme to spende,
And kepe y wole þi comaundëment,
Ellis in helle fier y schal be brende.
Line 704
Rial repeire, riche roobis, and rent,
What mowe þei helpe me at myn eende?
But y þee serue, y schal be schende;
Mercy, lord ihesu, y schal amende."
Line 708
(84)
(Christ's Eleventh and last Complaint.)
"MAn, do penaunce whilis þou may,
Lest sudeynli y take veniaunce:
Do y not abide þee day bi day
Bicause y wolde þou dide penaunce?
Line 712
Man, y am more redy alway
To forȝeue þee þi mys-gouernaunce
Þan þou art mercy for to pray,
For my wille were þee to enhaunce.
Line 716
