(37)
¶"Þe poore peple þou doist oppresse
Wiþ sleitis and wilis ful manye also;
Þou makist chirchis, and doist singe messe,
And mendist weies, men on to go;
Line 336
And sum men þee banne, & summë blesse:
Which schal y heere of þeisë two?
If þou wolt haue grace as þou doist gesse,
Lete al falsnes be fleemyd þee fro.
Line 340
(38)
¶"Þe moþþis þat þi cloþis ete, [page 204]
And þou letist poore men go bare,
Þi drinkis þat sowren, & þi mowlid mete
Wherwith þe febil myȝte weel fare,
Line 344
Þe rust þat þi siluer doiþ freete,
Þi goodis þat yuel gote[n] are,
Þei crien vpon þee veniaunce greete
Þee for to spille; but ȝit y spare.
Line 348
(39)
¶"With-holden hire, aȝen þe riȝt
Of þi seruanntis, vpon þee crye;
And, man, ofte tyme þou hast me hiȝt
Þou woldist amende, & leue folie;
Line 352
Þou spekist faire boþe day & nyght,
Þou brekist couenaunt contynuely;
Me is ful looþ wiþe þee to fight;
Þerfore make amendis, man, or þou die!"
Line 356
(40)
(Man's Fifth Answer.)
"Sweete lord, y may not aȝen say, [Man.]
Y haue not holden þat me hette:
Y greeued þee greetli euery day,
Y do not as y am in dette;
Line 360
I wolde do weel; but, welle-away! [page 205]
Wiþ enemyes y am euere bisette!
Whanne y wolde þee faynest pay,
My fleisch is þe first þat wole me lette.
Line 364
