(62)
"No lym on me, man, þou for-beryste:
why doyst þou evyll Ayenst goode?
By my soule thowe offt-tyme sweryst,
by my body, and by my bloode;
Line 490
with thy tunge me all to-teryst,
whan þou arte wroþe & wel ny woode;
Man, with thy onkyndnes more me derest
than they that rent me on þe Roode.
Line 494
(63)
"thowe haste more pyte vppon þy too
yff hit be hurt, and lytyll bleede,
than euer þou haddyst for all þe woo
that euer I Suffyrde for þy mysdeede.
Line 498
Whan þou arte tought, than þou shalt woo [folio 152]
of sweryng, but yff hit were neede:
thowe scorenest hem than seyne þe soo,
thowe takest to my heste no kepe. [[heede]]
Line 502
(64)
"Lowde lesyngis on me þou makyst,
Some tyme to wynne An halpenye,
what tyme to wytnes þou me takyste,
And yeet the for-sweryst þe wyttyngly.
Line 506
Byyng and syllyng, þou nat for-sakyst;
bothe veyne & wronge þou sweryst wronge;
whan þou doest thus, there bale þou bakeste;
Man! make Amendis or thowe dye." [[See note on p. 214.]]
Line 510
