(58)
"Why wouledyst þou, lorde, be slayne for me?
than Am I thyne Enemye moste vnhende,
Sithen no man hathe more charyte
than deethe to suffyr for his Frende?
Line 458
what skyll is þou shouledyst slayne bee,
Sythen I made þe thrall to þe Fende?
I trespassyd, lorde, why smottis þou nat me?
Nowe, blessyd be þou with-owttyn eende!
Line 462
(59)
"I see wele, lorde, that þou lovest us [folio 151b]
for oure profyte, & nought for yeve; [[pyne]]
for what were þou, ne were Ihesus,
thoughe all wee were in eendeles payne.
Line 466
Alas, wee been so vysyous,
And so onkyndely frome hyr declyne,
that is oure god so gracïus,
And is so lothe, mannys soule to tyne.
Line 470
(60)
"But, swete lorde, as þou haste bygoone,
so lett thy mercy forthe extende;
Put thy crosse and thy passyon
By-twene my werkis, they ought to be brent,
Line 474
And thy dome that I may nat shoone,
that bondis of hell can me nat hende.
Who but the fadur shoulde helpe þe soone?
Mercy, Ihesus! I wyll Amende."
Line 478
(61)
(Christ's Eighth Complaint.)
"Man, yff þou wolte my mercy gete,
thorowe my passyon of grete vertu,
why lovyst nat þou me for to bete?
Line 481
Eche day on crosse þou doest me newe
with deedly syn, at morne, at mete,
thowe turmentis me on-trewe,
And namely, with thyne othis grete,
to swere þou wolte nat me eschewe
Line 486
